Tɔɔɓɛlaa dɔlɔɔ 13:18 - Yálá laawoo hɛɓɛ (dc)

¹⁸ Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Yálá laawoo hɛɓɛ

¹⁸ Yálá kwəi mɛ̨nį hukulɔ hulɔgoloi yɛ mą: «Ɲą́ą́ gbɛli, ŋą́ Yálá kwəi mɛ̨nį hukulɔ lɔ yɛ bələi ə́ kaa la. Yálá nwɔ malaka ta ə kɛ mą́ą́, 'li ə́ ɲali bulu yɛ́ mą: Yai-Laa yɛ ə́ ɲali ə́ bulu ə́ li ɲə́i bɛlɛ́n laaləi, ə́ kɔ̨nɔ̨n mįi, ə́ yá kpələ.» Ə kɛi yili ɓo tii a lɛɛ.

Bible

¹⁸ Ɣâla ŋɔlóno kɛ́-nuu pɔlɔi è zu tòo ǹyɛɛ m̀ai, “Ńyãa máŋ ŋ́gaa a Ɣâla ŋɔlóno kɛ́-nuu nɔ́ yɛ̂ɛ berei íkaa lai. Ɣâla-taa kela tɔnɔ è lòno ḿbɔ a Yâwɛɛ wóo ǹyɛɛi, ‘Pá la pôlu ípɛrɛi lá a gɛ́ɛ é mii-sɛŋ mii, é yá kpéle.’ ” Kɛ́lɛ è kɛ̀ lɛ́ɛ kɛ̂i ma.

Tɔɔɓɛlaa dɔlɔɔ 13:18 Referans Kwoze

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Lonon mo 22:35

Kɛlaa, Yai-Laa nwɔ malakai yɛ mą: «Ka nuąi ŋɛ̨i ka li. Kɛlaa, nwooi lɔ gáá pai moi yɛ́, ya ɓə ə́ kaa pai moi.» Balaamə da Balakə nwɔ kalanɉonŋąąi diɛ kɛa li.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Izikiɛ 13:22

Yii ka kɛ tələnmomun ɉupui mą a lɛɛ wooɠaa, ya pa ɲą́ą́i vá gwəi pili mą; yii ka kɛ wɛa mun ɲee kɔ́n gɛi ɉu, ɛlɛɛ hva ɲee kulɔ nwɔ tuwɔ pələ ɲɔ̨n hu, yɛ pɛli yɛnɛ̨ɛ̨ hɔlɔɓoi.

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Nwun mąąɓo 13:3

Yai-Laa nwɔ malaka ə gbɔwɔ lɛ nɛ̨ɛ̨nui tii ɓa pɔ̨nɔ̨ŋą, yɛ mą: «Gili kaa ɉu gɛ́, lon ve yɛ́, ə́ kaa a kpomąnɛ̨ą; kɛlaa, ə́ kaa pai koo həɠəi, ə́ lon ɉulɔnu kaa.

Galatə 1:8

Kɛlaa, ə kɛ a nui lɔpee, ə mą kɛ a ku ta, a wala kɛti, yələkɔlɔn ɉu malaka ta ɓə, a pa ə nwɛlɛɛ lɛlɛɛ takpɛli laa həli káá, ə kulɔ yii ku naa həli káá bulu, nɛ̨ŋɛ̨n ə laa.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Tɔɔɓɛlaa dɔlɔɔ 13:19

Yálá nwɔ nui ə yali bulu, da yaa di li, ə kɔ̨nɔ̨n mįi, ə ya kpələ.

Tɔɔɓɛlaa dɔlɔɔ 20:35

Yai-Laa ə gwəi mɛ̨nį hukulɔ nuą di wɔ kalan non dɔ̨nɔ̨ tí, yili yɛ mɛlan ma: «Gɛ́lɛ!» Kɛlaa, mɛlan və gɛ hvo gɛlɛ.

Hanwon 12:19

Tɛ̨ą ɓomun a lɛɛ dɔɔi a yələ kəlee. Kɛlaa, lɛɛmun hva lamun tɔɔni.

Hanwon 12:22

Lɛɛ nuą wɛli hvo Yai-Laa ɓa, Kɛlaa, a tɔɔ tɛ̨ą ɓo nuą pulu.

Hanwon 19:5

Nui a kɛla hvaa ɓo a lɛɛ, ɉu tɔɔ mɛ̨nį hva ɉəɠə mą. Nui a lɛɛ kɛ, nwun va kulɔ ɉu.

Azaya 36:10

Və́ hvólómun kɛ bɔ, və́ kɔ́ pɛlɛ nɔi ɲɛ̨i ɓa ɉu wolo mɛ̨nį ɓa Yai-Laa tɛɠii; Yai-Laa yaa kpinįi ɓə kɛ mą́ą́: ‹'Kɔ́ pɛ́lɛ́ nɔi tii ɓa, ə́ ɉu kalaɠala.›»

Ɉeremi 29:31

«Nuą kpɔ luwɔlaa hu, mɛ̨nįi ŋɛ̨i ɓo, diɛ, yɛ́ diɛ: ‹Mɛ̨nii Yai-Laa kaa moi a Nehelamə mun Semaya laa, ya ka, yɛ diɛ: Semaya kaa mɛ̨nįɠaa ɓoi kaa a náá, yaan, ɲą́ą́ hvəi dɔɔ la, gaa ka kili nwɔ pɛlɛ́i a lɛɛ woo.

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Izikiɛ 13:8

Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Zɛnɛse 3:13

Nąąlɔwai, Yai-Laa ə mo nɛ̨ɛ̨nu ɓa, yɛ mą: «Nɛ̨ɛ̨nu! Lə mɛ̨nį ɓa ə́ yili kɛ tii?» Nɛ̨ɛ̨nu yɛ mą: «Kaalə ɓə mówo, ya ɓə gɛ, gɛ́ da mį́i.»

Zɛnɛse 27:24

ə pənə ə mąąnikɛ, yɛ mą: «Nón Esau kpɔ-kpɔɔ ɓaa yɛ́?» Ɉakɔbə ə nwoo ŋąąpənə yɛ mą: «Ee! Esau ɓaa ɲą́ą́.»

Tɔɔɓɛlaa dɔlɔɔ 22:22

Malakai tii yɛ mą: ‹Gáá lii, ŋą́ kɛ a lɛɛ kili, ŋą́ too Yálá kwəi mɛ̨nį hukulɔ nuąi tii laa diɛ.› Yai-Laa yɛ mą: ‹'Li, ə́ yee kaa lii lɔi, li ə́ gɛ tii.›