Tɔɔɓɛlaa dɔlɔɔ 12:31 - Yálá laawoo hɛɓɛ (dc)

³¹ Ɉeroboamə ə haláá kulɔiɠaa hee, ɛlɛɛ, ə ɉaláá laa həli nuą həɠə lɔ nuą lɔwai, yiliɠaai di hvo kɛ a Levi nu huwu ta.

Yálá laawoo hɛɓɛ

³¹ Ɉeroboamə ə haláá kulɔiɠaa hee, ɛlɛɛ, ə ɉaláá laa həli nuą həɠə lɔ nuą lɔwai, yiliɠaai di hvo kɛ a Levi nu huwu ta.

Bible

³¹ Zɛroboaŋ è sâla kùla kwaa-ŋa ma kpɛ̀tɛ ǹyée tɔɔ-ŋai ma, é sâla láa soŋ-ƃela kula núu da kpɛ́ni-ŋa sáma ƃɛ́i kélee è kɛ̀ ŋ̀wɛ̂lii, berei máŋ dífe kɛ́ ní la a Liiva-ŋai.

Tɔɔɓɛlaa dɔlɔɔ 12:31 Referans Kwoze

Kɔlɔnikɔ Veerɛi 13:9

Kɛlɛi kaa ɓə Yai-Laa nwɔ haláá laa həli nuąi a Aarɔn lonnii da lévi lonnii di kpɛ-e! Kaa ka kpɔɔ ɓa haláá laa həli nuą həɠə, a ka liiɓa, yɛ bələi lɔi takpɛliɠaa kaa la-e? Nui lɔpee kɛi pa yɛ ɉaláá laa həli mun naa tii hu hvɛli, a nwɔ taalɛlɛɛi hu nįŋɛ̨ lon dɔ̨nɔ̨, da ɓɛlaa hilɛ mɛ̨ihveelɛ, di kɛi gɛ a ɉaliɠaa tii di hvo a Yálá, di wɔɔ haláá laa həli mun.

Tɔɔɓɛlaa veelɛ 17:32

Kɛlaa, di kɛi lɔ ɲɔw Yai-Laa ɓa yaa kpɛli. Di nuą həɠə di lɔwai a ɉaláá laa həli nuą di nwɔ haláá kulɔiɠaai ɓa, yiliɠaa diɛ ɉaláá laa həli a di laa ɉali kɔ́iɠaa ɓa.

Lonon mo 3:10

'Gɛ a nɛlɛɛ, Aarɔn da nonnii diɛ tɔ̨nɔ̨ di kɛ lɔ a ɉaláá laa həli nuą; Nui lɔpee hvo a di ta, a lɛɠɛ laa, da baa.»

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Izikiɛ 16:25

Yáá haláá kulɔi pɛli pələ taŋan na kəlee ɓa, yɛ́ ə́ wɔ lɛlɛ mąąliɓi laa; yɛ́ ə́ kɔ́lɔ tɛɛ tɛɛ bələi nuą́ kəlee pɔ, yɛ́ ə́ wɔ túwɔ pələ ɲɔ̨n hu wiɛ la.

Tɔɔɓɛlaa dɔlɔɔ 13:24

Yili ə tɛɛ yɛli. Da yala di kwiɛn bələi, ɲala ə baa. Bowa ə kɛ too ni bələ mɛ̨i, ɲala da ɉoohvaalən di tɔɔ gwɛlɛ.

Dutɛrɔnome 24:15

Vɛla tɛɛ bɔ a voló, hvóló hvo laa yii hvo dɛɛ li bɔ. Mąąhɔlɔɓo, mąąwɛli mun ni, ɛlɛɛ, ɲɛ̨i kaa vɛla tɔwɔ a nwalawalaa. Hvo tómą Yai-Laa pɔ pələ a ə́ laa, a nee kɛ yɛ́ a nɛ̨ŋɛ̨n.

Tɔɔɓɛlaa veelɛ 17:29

Kɛlaa, ɉaláá kulɔiɠaa Samari nuą di bɛli, nu huwuɠaa ŋɛ̨i pa heei laa, nu kəlee ə nwɔ haliɠaa hee ɉaláá kulɔiɠaa tii ɓa. Bələ ɓə nu huwu tii kəlee di gɛ la daaɠaa di hee ɉu nąą kəlee.

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Tɔɔɓɛlaa veelɛ 17:28

Ɉaláá laa həli nuą tii kulɔ Samari, diɛ li, dɔ̨nɔ̨ ə pənə ə pa, ə hee Betɛlə, yɛ Yai-Laa mąąwiɛ pələ lɛ nuą diɛ.