Tɔɔɓɛlaa dɔlɔɔ 12:16 - Yálá laawoo hɛɓɛ (dc)

¹⁶ Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Yálá laawoo hɛɓɛ

¹⁶ Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Bible

¹⁶ Eezuɛ-ƃelai kélee kɛ́ɛ da gàa a gɛ́ɛ gâloŋ fé fáa ní é ŋ̀óli tɔ́ɔ dîai, dí gâloŋ wóo su tòo dîyɛɛi, “Vé kûa a kpa a gɛ́ɛ kúkɛ Deeƃé ŋɔsuui yée mu. Lé ƃé Zɛse ǹóŋ a gɛ́ kûɛi? Eezuɛ-ƃela, kwaa lí kúpɔ taai! Óo Deeƃé, ípɛrɛi mɛi káa yá kpîŋ.” Nya ƃe Eezuɛ-ŋai dí lì dípɔ taai.

Tɔɔɓɛlaa dɔlɔɔ 12:16 Referans Kwoze

Samia Veerɛi 20:1

Nu kpoloon da ə kɛ laa, diɛ kɛ naa ɓa a: Seva, Bɛnɉamɛn mun da li kɛ, nąn naa ɓa kɛ a: Bikri. Seva ə túlú hvɛɛ, yɛ diɛ: Lə mɛ̨nį ɓə gwa Davidə ni gu lɔwai? Gwa Ɉɛse lonni, gu hvo kpɔnni hɛn da ɓa. Israɛlə nuą, nu kəlee ə li ɲəi bɛlɛ́ laaləi.

Ɉeremi 33:21

akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Kɔlɔnikɔ Veerɛi 10:16

Gɛi tɔɔmun və mo hvo nwəli tɔɔ galanɉonŋąą woo ɓa, Israɛlə nuą kəlee di mo tɔɔmun ma, diɛ mąi: «Lə mɛ̨nį ɓə kwa Davidə ni ku lɔwai? Kwa Ɉɛse lon ni ku hvo kpɔnni mɛ̨nį ta ɓa! Israɛlə nuą, 'nu kəlee ə li bɔɔli! Yii hu, yɛ́ pɛlɛ́i mąą mɛ̨nį ɲɛ̨i kulɔ, Davidə!» Gɛɛ tii, Israɛlə nuą kəlee di li di pɔ taai, nu kəlee ə lɔ ɲəi bɛlɛ́n.

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Mąątɛ̨nɛ̨ 132:17

Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Tɔɔɓɛlaa dɔlɔɔ 22:36

Yələwulii hvóló ɓa, nu ta tomą woo ə tɔɔ gɔ́ kpanąn ŋą, yɛ kɛ mą: «Nu kəlee ə li bɔ lɔi, nu kəlee ə li bɔ taai,

Tɔɔɓɛlaa dɔlɔɔ 22:17

Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Tɔɔɓɛlaa dɔlɔɔ 11:39

Bələ ɓə ŋą́ Davidə huwu hu nuą nwumɛ̨ la tii, kɛlaa, hva kɛ a yələ kəlee mɛ̨nį.›»

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 11:34

Və́ pai nɔi ta kulɔi mą, ɓɛlɔwai Salomɔn kaa la a vulú, mąąhɔlɔɓo, ŋą́ ɉee a tɔɔmun ɲíi hvóló kəlee yee mu; nwɔ́ tímun Davidə mąą mɛ̨nį ɓa, yai ŋą́ ɉəɠə ɉu, ɛlɛɛ ə nwɔ́ tiɓoɠaai da nwɔ́ tɔ́n nwooɠaai kəlee pɔ mɛ̨nį kɛ.

Tɔɔɓɛlaa dɔlɔɔ 11:13

Kɛlaa, və́ pa nɔi kəlee kulɔi ɲəi. Gáá pai Israɛlə nu huwu tɔ̨nɔ̨ tɛɛi bɔ ə́ nąn Davidə mąą mɛ̨nį ɓa, da Ɉerusalɛmə mąą mɛ̨nį ɓa, daai ŋą́ ɉəɠə ɉu a nííɓa taa.»

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Samia Veerɛi 15:13

Nu ta ə pa ə Davidə kili pu ɉu, yɛ mą: «Israɛlə nuą kəlee daa tɔɔ Absalɔn pulu.»

Nwun mąąɓo 8:35

Di hvo kpɛli di ɲɛ̨i lɛlɛɛ hee Zedeɔn Yerubaalə yəi bɛlɛ́n nuą diɛ, mɛ̨inɛ̨ɛ̨ tii yili ə gɛ diɛ, di hvo kpɛli gaa a mɛ̨nį walawala.

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Tɔɔɓɛlaa dɔlɔɔ 11:35

Kɛlaa, gáá pai dɔɔlaa kulɔ non ɲəi, ŋą́ dɛɛ ə́ pɔ, nu huwu pow ɓə kɛi ə́ yee mu.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Izikiɛ 37:16

«Hulɔnu lon, wulu kpuɔ ta həɠə, ə́ Ɉuda laa pɛ̨ɛ̨ mɛ̨i da Israɛlə lonnii da diɛni di kaa di kee ɓa, yili pulu, ə́ da kpɛli həɠə, ə́ Ɉosɛfə laa pɛ̨ɛ̨ mɛ̨i; yili ɓə pai kɛi a Ɛfraimə nwɛi, da Israɛlə lonnii yiiɠaai da diɛni di kaa di kee ɓai.

Nwun mąąɓo 9:28

Evɛdə lon Gaalə yɛ diɛ: «Gbɛɛ ɓaa Abimelɛkə ɓɛ Sisɛmə daai, yai kwa li tíi mą? Kɛlɛi Yerubaalə lon ni, ɛlɛɛ, nwɔ ɲɛ̨itɔwɔ mun gɛnɛ̨ɛ ɓaa Ɉevulə. Mąąnɛ̨ɛ̨ ka Hamɔrə nu huwu mąąwiɛ, mąąhɔlɔɓo, Hamɔrə ɓə Sisɛmə taa tɔɔ. Kɛlaa, lə mɛ̨nį ɓa, gwa li tíi mą.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Markə 3:24

Lɔi lɔpee ɉu nuą da kɔ́ pɛlɛ di kpɔɔ ɓa, mąą lɔi tii, yii hva kwɛa.