Tɔɔɓɛlaa dɔlɔɔ 12:1 - Yálá laawoo hɛɓɛ (dc)

¹ Roboamə ə li Sisɛmə, mąąhɔlɔɓo, Sisɛmə ɓə Israɛlə nuą kəlee di pa laa, ə gɛ, di ɉee a tɔɔmun.

Yálá laawoo hɛɓɛ

¹ Roboamə ə li Sisɛmə, mąąhɔlɔɓo, Sisɛmə ɓə Israɛlə nuą kəlee di pa laa, ə gɛ, di ɉee a tɔɔmun.

Bible

¹ Leoboaŋ è lì Sɛkɛŋ, kpɛ́ni fêi, Eezuɛ-ŋai kélee dí lì naa a gɛ́ɛ dí gɛ́ a kâloŋ.

Tɔɔɓɛlaa dɔlɔɔ 12:1 Referans Kwoze

Nwun mąąɓo 9:6

Sisɛmə kalanɉonŋąą kəlee da Bɛtə-Milo daai nuą kəlee, di di ɲąąkpɔn, də li ɓɛi ŋɛ̨i gwɛni ə kɛ laa vaa wəla kwɛlɛ, Sisɛmə daa kpala, di Abimelɛkə hee laa a tɔɔmun.

Mąątɛ̨nɛ̨ 60:6

Yáá ɉilɛyilí tɛɛ nuąi da ɲɔw yɛ́ di pɔ, əgɛ di tɔɔ tɛ̨ą mɛ̨i kpąą, di yowoɠaa di wɔ mɛ̨ɛ̨kɔw tɔwɔ.

Tɔɔɓɛlaa dɔlɔɔ 11:43

Yili pulu, Salomɔn ə laa nąnni kwɛlɛ. Di bowa loo Davidə taa. Salomɔn lon Roboamə ə hee dɔɔ kpəlin ɉu a nąn mąą hvalin.

Nwun mąąɓo 9:1

Yerubbaalə lon ɉulɔnu Abimelɛkə, ə li Sisɛmə daai, nee mąąhinąą pɔ; yɛ nee nąn ɲəi bɛlɛ́n nuą diɛ:

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Zasua 24:1

Ɉosue ə Israɛlə lonnii kəlee təli, di di ɲąąkpɔn Sisɛmə daai, ə mą kɛ, Israɛlə kalanɉonŋąą, da nɔi ɲąąwooɓo nuą, bɛlɛɛ, giti tee nuą diɛ, da ɉɛɓɛ́ kɛ nuą. Di pa di tɔɔ Yálá lííla.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Gɛlaɠaa 7:16

Di di powa həɠə di paa diɛ Sisɛmə daai di di loo gámąi ti Abrahamə ə ɲá a wali, Ɛmɔrə lonnii yəi, Ɛmɔrə Sisɛmə nąn.

Ɉeremi 41:5

Nuą di həɠə Sisɛmə da Silo, da Samari, di kɛ a nu pow mɛ̨ihaaɓa, daa di kpɛlɛ pu, di mąąhəɠəɠaa huɓɛlaa, pala teɛ diɛ, di kɛi pa a haláá hɛnŋaa da lansan a Yálá hee pɛlɛ́ nwɔɔ.

Tɔɔɓɛlaa dɔlɔɔ 12:25

Ɉeroboamə ə Sisɛmə mąątinɛ̨n a hįi, daai tii kaa Ɛfraimə yee hu, ə hee laa. Yili pulu, ə həɠə laa ə Penuɛlə mąątinɛ̨n a hįi.

Kɔlɔnikɔ Veerɛi 11:1

Yii lɔ Roboamə ə lɔ Ɉerusalɛmə daai, ə Ɉuda da Bɛnɉamɛn pɛlɛmun nuą kəlee ɲąąkpɔn; kɔ́kúlaa kpɔɔkpɔɠaa nu waa nwundɔ̨nɔ̨ waa pow mɛ̨ihaaɓa. Ə di həɠə diɛ li kɔ́ pɛlɛi Israɛlə nuą diɛ; əgɛ, di dɔɔlaa tɛɛ mɛ̨nį ɓa Roboamə pɔ.