Tɔɔɓɛlaa dɔlɔɔ 11:9 - Yálá laawoo hɛɓɛ (dc)

⁹ Yai-Laa ə niiɲąnwąną Salomɔn ɓa, mąąhɔlɔɓo, nwɔ kiliŋąhiɛ aa həɠə kɛ Israɛlə nwɔ Yálá pɔ; yai gbɔwɔ lɛ mą a gee mɛ̨i hveelɛi.

Yálá laawoo hɛɓɛ

⁹ Yai-Laa ə niiɲąnwąną Salomɔn ɓa, mąąhɔlɔɓo, nwɔ kiliŋąhiɛ aa həɠə kɛ Israɛlə nwɔ Yálá pɔ; yai gbɔwɔ lɛ mą a gee mɛ̨i hveelɛi.

Bible

⁹ Yâwɛɛ líi è ŋwàna Saloma ma, kpɛ́ni fêi, è bôlu tɔ̀ɔ ǹyaa Yâwɛɛ, Eezuɛ Ŋɔɣâlai ma nyíi kùla ŋ̀ɛ́i gîei feerɛi.

Tɔɔɓɛlaa dɔlɔɔ 11:9 Referans Kwoze

Tɔɔɓɛlaa dɔlɔɔ 9:2

Yai-Laa ə pənə nwɔ̨nɔ̨ ə gbɔwɔ lɛ mą a veelɛnąą, yɛ bələi ə gɛ la Gabaɔn.

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Samia Veerɛi 6:7

Yai-Laa ə nii ŋąnwąną kpɔ kɛnɛ̨ Uza pɔ, ə nɛ̨ɛ̨ mą ə gɛlɛ, ɉɔn tii mąą mɛ̨nį ɓa. Ə haa kpɔlɔɔ laa Yálá nwɔ kəhii kwɛlɛ.

Dutɛrɔnome 9:20

Aarɔn yaa kpɛli mąn, Yai-Laa ə níiholi bɔ kpɔ kɛnɛ̨, yɛ kɛ kpɔ ə nwun na pili, ŋį́ Aarɔn mąąnɛ̨ɛ̨ mąą hvə nwɔ̨nɔ̨ Yai-Laa ɓa.

Dutɛrɔnome 9:8

Ká Yai-Laa liiholi mɛ̨nį kɛ Horɛbə yee ɓa. Yai-Laa lii ə holi ka pɔ, yɛ kɛ ə ka hukala.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Dutɛrɔnome 3:26

Kɛlaa, Yai-Laa ə níiholi bɔ́ ka mąą mɛ̨nį ɓa, ɛlɛɛ, hvo gɛ hvo nwəli tɔɔ mą́ą́. Yai-Laa yɛ mą́ą́: «Kpɛla mą, hvo kɛa yili da ɓo mą́ą́.

Lonon mo 12:9

Yai-Laa nwɔ liiholi ə ɓɛla di mɛ̨i, ə tɛɛ yɛ li.

Lɛɛ gbɔwɔ ɓa 4:14

Yai-Laa lii ə holi Moisə pɔ, yɛ mą: «Kɛlɛi ə́ liɛ Aarɔn kaa laa-e, yai ŋɛ̨i a Levi? Gíli kaa ɉu gɛ́ naa kpan ɉu teei. Aarɔn kaa hɔlɔɔmun bələ ɓa yɛ pa ə́ laakwiɛn ɉii; a pa ə́ kaai, gwəi kaa pai nɛ̨ɛ̨i.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Osia 4:11

Lɔɔ da wɛli mɛ̨nį daa di nwun ɉu lan.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Kɔlɔnikɔ Maa-ŋuŋ 21:7

Yili ə nwąną Yálá ɓa, ə Israɛlə kɛlɛ.

Samia Veerɛi 11:27

Ɉaa wɔlɔ ɓoɔ pulu, Davidə ə nuą tɔɔ, diɛ li tɔɔi nɛ̨ɛ̨nui tii tɔwɔ; ə ɉəɠə ə nɔ ɲəi bɛlɛ́n, ə lɛɛ ɲəi a nɛ̨ą, ə lon ɉulɔnu kaa mą. Kɛlaa, mɛ̨nįi tii Davidə ə gɛ, hvo nɛ̨ɛ̨ Yai-Laa ɓa.

Tɔɔɓɛlaa dɔlɔɔ 11:8

Nɔi pulu nɛ̨ąąi kɛ ɲəi, ə gɛ lɔ tii di wɔ haliɠaai diɛ; diɛ lansan kələn diɛ, diɛ haláá kulɔ di wɔ haliɠaai diɛ.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.