Tɔɔɓɛlaa dɔlɔɔ 11:33 - Yálá laawoo hɛɓɛ (dc)

³³ Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Yálá laawoo hɛɓɛ

³³ Daa nɛ́ɛ́ laa, diɛ pɛlɛ Astarte lííla, yai gaa a Sidɔn nuą di wɔ hali nɛ̨ɛ̨nu, da Kemɔsə Moabə nuą di wɔ hali, da Milkomə Amɔn lonnii di wɔ hali. Di hvo hiɛ li nwɔ́ pələɠaai mɛ̨i, mɛ̨nįi ɉaŋąą ɲɛ̨́i ɓa, di hvo gɛ li. Di hvo hvilɛn ni nwɔ́ tiɓoɠaa pulu, yɛ bələi di nąn Davidə ə gɛ la.

Bible

³³ Ŋa pâi nyíŋi kɛ̂i, kpɛ́ni fêi, Saloma a bôlu tɔ̀ɔ ḿâ, gɛ́ ŋ̀âla-ŋai ŋí fɛ̀li, Sidɔŋ-ŋai díɣâlai, Atorɛ díɣâlai, Môa-ŋai díɣâlai Kemɔ, da Amɔŋ-ŋai díɣâlai Molɛ. Vé sia ní a ŋápere-ŋai, kpaa máŋ é mɛnii kɛ́ nyíi ǹɛ̂lɛɛi ŋɛ́i, kpaa máŋ é mɛni-ŋai mɛi káa ŋá nɛ̀ mai da ŋátɔ̂ŋ-ŋai yɛ̂ɛ berei ǹâŋ Deeƃé è gɛ̀ lai.

Tɔɔɓɛlaa dɔlɔɔ 11:33 Referans Kwoze

Tɔɔɓɛlaa dɔlɔɔ 11:9

Yai-Laa ə niiɲąnwąną Salomɔn ɓa, mąąhɔlɔɓo, nwɔ kiliŋąhiɛ aa həɠə kɛ Israɛlə nwɔ Yálá pɔ; yai gbɔwɔ lɛ mą a gee mɛ̨i hveelɛi.

Osia 4:17

Ɛfraimə da haliɠaa daa too di kee pɔ, 'ka nɛɛ lɔ laa.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Kɔlɔnikɔ Veerɛi 15:2

Azariahu ə kulɔ yɛ li Asa laakwiɛn, yɛ mą: «'Ka ká wəli tɔɔ mą́ą́, Asa, Ɉuda da Bɛnɉamɛn ka kəlee! Yai-Laa ə kɛ ka pɔ, 'ka lɛɛ bulu! 'Ka gwɛlii, a gbɔwɔ lɛɛ laa kaa gaa! Kɛlaa, ka həɠə bului, a kulɔ ka pulu.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Tɔɔɓɛlaa dɔlɔɔ 3:14

Akɛ yii gáá bɔ yá gɛ, ə́ nwɔ́ tɔ́n da bɔ liɛwooɠaa hon, yɛ ə́ nąn Davidə, ŋą́ ə́ wɔ yɛnɛ̨ɛ̨ hu kwɛa.»

Lonon mo 21:29

Moabə, kpalo aa ɓɛla yɛ́! Kemɔsə nwɔ lɔi ə lɛɛ ɉu. Nonnii nɛ̨ąą daa lɛɛ a luwɔɠaa, non ɉinąą daa kɛ a pu nuą. Amɔrə tɔɔmun Sihɔn yəi.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Tɔɔɓɛlaa dɔlɔɔ 11:34

Və́ pai nɔi ta kulɔi mą, ɓɛlɔwai Salomɔn kaa la a vulú, mąąhɔlɔɓo, ŋą́ ɉee a tɔɔmun ɲíi hvóló kəlee yee mu; nwɔ́ tímun Davidə mąą mɛ̨nį ɓa, yai ŋą́ ɉəɠə ɉu, ɛlɛɛ ə nwɔ́ tiɓoɠaai da nwɔ́ tɔ́n nwooɠaai kəlee pɔ mɛ̨nį kɛ.

Tɔɔɓɛlaa dɔlɔɔ 14:8

Ŋą́ dɔɔlaa kulɔ Davidə nwɔ pɛ́lɛ́i yəi, ŋą́ dɛɛ ə́ pɔ; kɛlaa, hvó gɛ li yɛ bələi nwɔ́ tímun Davidə ə gɛ la. Nwɛi, ə ɲee kɛ nwɔ́ tiɓoɠaai diɛ, ɛlɛɛ, ə kanąn mą́ą́ gwəi tɔ̨nɔ̨ mɛ̨i. Mɛ̨nįi kɛ ɉaŋąą ɲɛ̨́i mu, ya lɔ ɓə ə kɛi gɛ.

Ɉeremi 48:7

Mąąhɔlɔɓo, ka ka kilitɔɔ ka kpɔwɔ ɓa, da ka yəi hɛn gɔwɠaa, ka hon ŋąą li. Kemɔsə kaa lii mąąkilɛi, da nwɔ haláá kulɔ nuą, da nwɔ ɲąąwooɓo kɛ nuą kəlee.

Ɉeremi 48:13

Moabə kaa pai nwumɛ̨i Kemɔsə ɲɛ̨i ɓa, yɛ bələi Israɛlə nuą di nwumɛ̨ la Betɛlə ɲɛ̨i ɓa, yaai kɛ a di kilitɔɔi.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Tɔɔɓɛlaa veelɛ 1:3

Nąąlɔwai, Yai-Laa nwɔ malaka ə mo Tisbe mun Eli ɓa, yɛ mą: «'Hvilɛn bələ pɔ ə li, ə kaa lii kwiɛn ɉii a Samari tɔɔmun nwɔ wɛlɛɛ ɓo nuą, kɛ diɛ: ‹Akɛti, Yálá hvo Israɛlə nuą yəi? Yaai ka káá lii Baalə-Zebubə mąąnin gɛi, yai a Ɛkrɔn nwɔ halii?›

Tɔɔɓɛlaa veelɛ 21:22

Amɔn ə həɠə Yai-Laa pulu, yaai gaa a nąnii di wɔ Yálá. Hvo hvilɛn Yai-Laa nwɔ pələi mɛ̨i.

Ɉeremi 2:11

Akɛ lɔi ta aa ta nwɔ haliɠaa mąąhvalin, a ɉɛnŋaa tii di hvo mun ɓaa hɛn da! Kɛlaa, kaai ɓaa nwɔ́ nuą, kaa ka wɔ mąąwiɛ mąąhvalin, a hɛn dɔ̨nɔ̨ lɔpee hvo mą.