Tɔɔɓɛlaa dɔlɔɔ 11:3 - Yálá laawoo hɛɓɛ (dc)

³ Hilɛtaa nɛ̨ąąi kɛ Salomɔn yəi, di kɛ a nɛ̨ąą nwun mɛ̨ihveelɛ, diɛ ɓo a dɔɔ pɛlɛ́ mu nɛ̨ąą. Ɛlɛɛ, nɔ pɛlɛ́nŋaa di ɓo a nu nwun ɉaaɓa. Salomɔn nɛ̨ąni di gili mąą pənə gwəi.

Yálá laawoo hɛɓɛ

³ Hilɛtaa nɛ̨ąąi kɛ Salomɔn yəi, di kɛ a nɛ̨ąą nwun mɛ̨ihveelɛ, diɛ ɓo a dɔɔ pɛlɛ́ mu nɛ̨ąą. Ɛlɛɛ, nɔ pɛlɛ́nŋaa di ɓo a nu nwun ɉaaɓa. Salomɔn nɛ̨ąni di gili mąą pənə gwəi.

Bible

³ Saloma è kâloŋ lonii ŋuŋ lɔ́ɔlu mɛi feerɛ kùla a nɛyâa. Ŋɔnɛyâa pɛlɛ-pɛlɛɛi dí kɛ̀ a ŋuŋ saaƃa. Ǹɛyâai ŋí dí gɛ̀ é bôlu tɔɔ Ɣâla ma.

Tɔɔɓɛlaa dɔlɔɔ 11:3 Referans Kwoze

Ikilisiati 7:28

mɛ̨nįi gáá gwɛlii a yələ kəlee və́ ni gaa li, ya ɓaa: hinąą waa-tɔ̨nɔ̨ lɔwai, ŋį́ hulɔnu tɔ̨nɔ̨ kaa laa, yɛ hulɔnulaa mɛlɛ kɛ mą. Kɛlaa, nɛ̨ą kpulu kɛnɛ̨ lɔwai, və́ dɔ̨nɔ̨ kpɛli kaa ɉu, yɛ nɛ̨ɛ̨nulaa mɛlɛ lɛɛ mą.

Kɔlɔnikɔ Veerɛi 11:21

Roboamə ə Absalɔn lon nɛ̨ɛ̨nu Maaka wɛli la kɛ ə dɛɛ nwɔ pɛlɛ́ leenɛ̨ąɠaa da nɛ̨ąni takpɛliɠaa kəlee diɛ. Hvo gaai, nɛ̨ąni kpɔɔ di kɛ a nu pow kɔ́w mɛ̨ihaaɓa, nwɔ wɛlinɛ̨ąą di ɓo pow mɛ̨ida. Ə lon ɉinąą kaa a nu pow hveelɛ gɔw mɛ̨ihaaɓa, ə lon nɛ̨ąą kaa a nu pow mɛ̨ida.

Nwun mąąɓo 9:5

Da diɛni, də li nąn ɲəi bɛlɛ́n Ofra, ə nąn nonnii pow mɛ̨ihveelɛi tii kəlee nwun dee kwɛni tɔ̨nɔ̨ mɛ̨i, ə lɛɛ lɔ a Yotamə yaa tɔ̨nɔ̨, yai kɛ a nąn nonnii nogolo laa mun, mąąhɔlɔɓo, yili ə noo.

Dutɛrɔnome 17:17

Mąą hvo nɛ̨ɛ̨li nɛ̨ą kpulu kɛnɛ̨ hvo kɛ ɲəi, mąąhɔlɔɓo, yili a pɛli nwɔ kiliŋąhiɛ mąą pənəi gwəi, yɛ nwɔ kiliŋąhiɛ hvilɛn wali ɓa a wala kɛ tii, hɛni ɓa, yɛ kɛ diɛ ə kɛ ɲəi kɛnɛ̨.

Wɛli 6:8

Tɔɔmun nɛ̨ąni da pɛli kɛi pow mɛ̨ida, nwɔɔ wɛli nɛ̨ąą di ɓo pow mɛ̨ihaaɓa, lonon hva kɛ nwɔ nɛ̨ɛ̨lɛa kpulu ɓa.

Wɛli 6:9

Nwɛ́i! Yɛ́ lɔ ɓə a nwɔ́ tonwələn gbɔlun, yá ɓə a mɛ̨nį laahvɛɛ kəlee Yaa tanɔ̨n nɔ ɓə nee ə gaa, ɛlɛɛ nwɛli kaa gaa lee ɓa kpɔ kɛnɛ̨. Nɛ̨ąą takpɛliɠaa da gaa, diɛ nwɔ nwun na nɛ̨ɛ̨ mąątɛ̨nɛ̨. Tɔɔmun nɛ̨ąni, da nwɔ wɛliɠaa, diɛ mąątɛ̨nɛ̨.

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.

Ikilisiati 2:8

Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.