Tɔɔɓɛlaa dɔlɔɔ 11:29 - Yálá laawoo hɛɓɛ (dc)

²⁹ Nąąlɔwai, Ɉeroboamə aa kɛ kulɔ Ɉerusalɛmə, da Yálá kwəi mɛ̨nį hukulɔ mun Ahiya, yai kɛ a Silo mun, di kwiɛn bələi. Həɠə nįnɛ̨ ɓə kɛ Ahiya kwaną, ɛlɛɛ, di nu hveelɛi ɓə kɛ laa bələ pɔ.

Yálá laawoo hɛɓɛ

²⁹ Nąąlɔwai, Ɉeroboamə aa kɛ kulɔ Ɉerusalɛmə, da Yálá kwəi mɛ̨nį hukulɔ mun Ahiya, yai kɛ a Silo mun, di kwiɛn bələi. Həɠə nįnɛ̨ ɓə kɛ Ahiya kwaną, ɛlɛɛ, di nu hveelɛi ɓə kɛ laa bələ pɔ.

Bible

²⁹ È kɛ̀ a fólo tɔnɔ da Zɛroboaŋ è kɛ̀ kulâi Zerusâlɛŋ gɛ́ lì, ǹyaŋ Ɣâla ŋɔlóno kɛ́-nuui Aiza kùla Siloi è gàa berei su, yokpo nina kɛ́ ƃò ma. Dí fereŋɔɔ díkɛ̀ dí tee-tee kwaa ma ǹɔii su.

Tɔɔɓɛlaa dɔlɔɔ 11:29 Referans Kwoze

Kɔlɔnikɔ Veerɛi 9:29

Salomɔn kɛ mɛ̨nį takpɛliɠaa tii, ə həɠə dɔlɔɔ tɔlɔɔɠaa ɓa, ə həli la gbəlamąąɠaa ɓa, di pɛ̨ɛ̨i Yálá kwəi mɛ̨nį hukulɔ mun Natan ŋą hɛɓɛ́i hu, da pɛ̨ɛ̨ Yálá kwəi mɛ̨nį hukulɔ mun Ahiya ŋɛ̨i kɛ Silo nwɛi hu, da gwɛlɛɛn gɛɛ kaamun Yedo nwɔ hɛɓɛ́í hu, gwɛlɛɛn gɛɛ ŋɛ̨i ə gaa yɛ hvilɛn na Nevatə lon Ɉeroboamə ɓa.

Tɔɔɓɛlaa dɔlɔɔ 14:2

Ɉeroboamə yɛ nɛ̨ą ɓa: «Ə́ muhəɠə, ə́ ə́ mąąhəɠə mąąhvalin, yɛ́ gɛ a ə́ loo pələ; nu ta hvo pɛli gɔlɔn ɉii akɛ Ɉeroboamə nɛ̨ą ɓaa yɛ́. Yili pulu, ə́ li Silo, Yálá kwəi mɛ̨nį hukulɔ mun Ahiya kaa laa; ya ɓə wɔlɔ kɛ mą́ą́, gáá pai kɛi a nu huwui ŋɛ̨i nwɔ tɔɔmun.

Tɔɔɓɛlaa dɔlɔɔ 12:15

Tɔɔmun və nwəli tɔɔ nuą woo ɓa, bələ ɓə Yai-Laa ə tɛɛ la mɛ̨nįi tii ta ə mo Silo mun Ahiya laaləi, yɛ mo Nevatə lon Ɉeroboamə ɓa, yɛ bɔ mɛ̨nį kɛ.

Samia Veerɛi 14:6

Lon ɉinąą hveelɛ ɓə ə́ wɔɔ tí nɛ̨ɛ̨nu yəi, di nu hveelɛi di gɔ́ lɔwɔi, nu ta hvo kɛ laa, hvo di ŋaakwɛlɛ, dɔ̨nɔ̨ ə mɛlan gɛlɛ, ə baa.

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Tɔɔɓɛlaa dɔlɔɔ 14:4

Ɉeroboamə nɛ̨ą ə gɛ tii, ə muhəɠə ə li Silo; ə həli Ahiya yəi bɛlɛ́n, Ahiya ɲɛ̨i hvo kɛi kɛɛ mąąkpɛɛ, bɔlɔ pələ ɓa.

Kɔlɔnikɔ Veerɛi 10:15

Ka gaa tɔɔmun hvo nwəli tɔɔ nuą woo ɓa, Yálá ɓə hvaa tii mą, əgɛ, mɛ̨nįi tii Yai-Laa ə bu Silo mun Ahiya la, yɛ mo Nevatə lon Ɉeroboamə ɓa, bɔ mɛ̨nį kɛ mɛ̨nį ɓə.

Tɔɔɓɛlaa dɔlɔɔ 12:2

Bələ mɛ̨n Nevatə lon Ɉeroboamə ə mo, ə ɓo Eziptə lɔi hu, aa kɛ pu tɔɔmun Salomɔn ɓa, aa li aa hee Eziptə.