Tɔɔɓɛlaa dɔlɔɔ 11:26 - Yálá laawoo hɛɓɛ (dc)

²⁶ Ɉeroboamə, Nevatə lon, ə kɛ a Ɛfraimə mun da, bɔ taai ɓa kɛ a Sereda, nee laa ɓa kɛ a Serua, neei kɛ a kalanin. Ɉeroboamə ə kɛ Salomɔn yee pɔ mun da. Ə tɔɔ tɔɔmun na.

Yálá laawoo hɛɓɛ

²⁶ Ɉeroboamə, Nevatə lon, ə kɛ a Ɛfraimə mun da, bɔ taai ɓa kɛ a Sereda, nee laa ɓa kɛ a Serua, neei kɛ a kalanin. Ɉeroboamə ə kɛ Salomɔn yee pɔ mun da. Ə tɔɔ tɔɔmun na.

Bible

²⁶ Ǹúui ŋɔ́nɔ tɔ̀ɔ Saloma mai ƃé kɛ̀ a Zɛroboaŋ. Zɛroboaŋ è kɛ̀ a Saloma ŋɔnûai láa túɛ-ƃelai dɔnɔ. Ǹâŋ láa ƃé kɛ̀ a Neba. Ǹee láa ƃé kɛ̀ a Zɛrua. Ǹee kɛ̀ a pɔɔ-nɛnî kɛ́lɛ ǹâŋ è kɛ̀ ɣele ma. Dí kɛ̀ a Ifiraŋ-nuu suui su-ƃela. Dípɔ-taai ƃa Zereda

Tɔɔɓɛlaa dɔlɔɔ 11:26 Referans Kwoze

Kɔlɔnikɔ Veerɛi 13:6

Kɛlaa, Nevatə lon Ɉeroboamə yai kɛ a Davidə lon Salomɔn nwɔ tímun, ya ɓə aa haɠa aa tɔɔ, yɛ ə gwɛlitee nwɔ mɛ̨nį nąmu ɓa.

Tɔɔɓɛlaa dɔlɔɔ 12:2

Bələ mɛ̨n Nevatə lon Ɉeroboamə ə mo, ə ɓo Eziptə lɔi hu, aa kɛ pu tɔɔmun Salomɔn ɓa, aa li aa hee Eziptə.

Tɔɔɓɛlaa dɔlɔɔ 11:28

Ɉeroboamə ə kɛ a nu wala wala ta, a nui kɛ di laana. Salomɔn ə naŋąlon tii nwɔ kóló kɛ pələ kaa, yili ɓə gɛ yɛ ɉəɠə la ɉu, yɛ ɉee Ɉosɛfə nwɔ pɛlɛ́ kóló mɛ̨nįi nwun na.

Tɔɔɓɛlaa dɔlɔɔ 11:11

Yai-Laa yɛ Salomɔn ɓa: «Yɛ bələi yáá túwɔ́ la tii a ɲɔ̨nwɔ̨ɔ̨, nwóói ŋą́ gwɛlɛ yɛ́, hvó ɉon ni, hvó nwɔ́ tɔ́n hon ni, yai ŋą́ mo yɛ́; gáá pai dɔɔlaa kulɔi ə́ yəi, ŋą́ dɛɛ ə́ yee pɔ mun da pɔ.

Samia Veerɛi 20:21

Yili mɛ̨nį hvəi; kɛlaa, Ɛfraimə yee hu mun da, yii naa ɓa a Seva, Bikri lon ɉulɔnu, ya ɓə aa tɔɔ tɔɔmun Davidə la, ka gulɔ ka dɛɛ bɔ́, yaa tɔ̨nɔ̨ gbən, a kɛ tii, ŋą́ą́ ma gɔ́ muhəɠə ka wɔɔ taai ɓa.» Nɛ̨ɛ̨nui tii yɛ Ɉoabə ɓa: «Akɛ yili lɔ ɓə, di kaa nwun deei ŋą, di pili ə́ pɔ ɉíín pulu pələ.»

Samuɛlə dɔlɔɔ 1:1

Hulɔnu ta ə kɛ Ramataimə-Sofimə daai Ɛfraimə yee ɓa, diɛ kɛ naa ɓaa Ɛlkana, nąn naa ɓaa kɛ a Yerohamə yili nwɔ nąn ɓaa kɛ Elihu, Tohu lon, Sufə lon, Ɛfrata mun da.

Rutə 1:2

Ɉulɔnui tii laa ɓaa kɛ a Elimelɛkə, nɛ̨ą laa ɓaa a Naomi di lon ɉinąą hveelɛi tii laa ɓaa kɛ a: Malɔn da Kiliɔn; di kɛ a Ɛfrata huwu, Bɛtleɛmə daai Ɉuda lɔi hu. Ɓɛlɔwai di kɛ la Moabə lɔi hu,

Kɔlɔnikɔ Maa-ŋuŋ 2:19

Azuva haa pulu, Kalɛbə ə Ɛfratə həɠə a nɛ̨ą, ə Hurə kaa mą.

Tɔɔɓɛlaa dɔlɔɔ 21:22

Gáá pai ə́ wɔ pɛ́lɛ́i kɛi yɛ bələi ŋą́ Nevatə lon Ɉeroboamə nwɛi lɛɛ la, ŋą́ gɛ yɛ bələi ŋą́ Ahiya lon Baesa nwɛi kɛ la. Gáá yili laai yɛ́ dúwɔ́ pələ ɲɔ̨n ə́ gulɔ mąą mɛ̨nį ɓa; ɛlɛɛ da Israɛlə tooi ə mo nɛ̨ŋɛ̨n ɉu.»

Tɔɔɓɛlaa dɔlɔɔ 16:3

Yili mąą mɛ̨nį ɓa, gáá pai Baesa da nwɔ pɛ́lɛ́i di kələi yɛ kala. Bələi tii ŋą́ Nevatə lon Ɉeroboamə nwɔ pɛ́lɛ́i kɛ la, bələ ɓə gáá gɛi la a nwɔ pɛ́lɛ́i.

Tɔɔɓɛlaa dɔlɔɔ 15:30

Nɛ̨ŋɛ̨nŋaai Ɉeroboamə ə ɉəɠə, da yii ə gɛ Israɛlə ə ɉəɠə, yɛ Yai-Laa Israɛlə nwɔ Yálái nwąną lɔ la, mąą mɛ̨nį ɓə gɛ, yili yɛ laa nwɔ pɛ́lɛ́i ɓa.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 9:22

Salomɔn hvo Israɛlə lon da pɛlɛ pɔlɔtɛ kóló ɓa. Di wɛi, di kɛ a kɔ́ kɔ́ nuą, diɛ ɓo a nwɔ nwun nąmįną, pɛlɛɛɠaa da gbɛa-kpɛa, a kɔ́ wotolo nwun nąmįną, da hoo gilɛ həɠə nuą.

Samuɛlə dɔlɔɔ 17:12

Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Zɛnɛse 35:16

Ɉakɔbə da ɲəi bɛlɛ́n nuą, di həɠə Betɛlə di mąą hvo kɛ kwɛa li Ɛfrata ɓa, Rasɛlə ə naayɛɛ la, kɛlaa, ə gwəinwąną kɛ kpɔ a mɔlɔ.

Tɔɔɓɛlaa dɔlɔɔ 11:25

Rezɔn ə kɛ a Israɛlə ɲowo Salomɔn nwɔ yɛnɛ̨ɛ̨ kəlee yee mu. Mɛ̨nį ɲɔ̨nwɔ̨ɔ̨i Hadadə ə gɛ ya ɓaa: Ə wɛlikpɛɛmąąla kulɔ a Israɛlə. Ə nwɔ tɔɔlaai hee Aramə lɔi hu.

Nwun mąąɓo 12:5

Yili pulu, Galaadə nuą də li di Ɉurdɛn yá kwɛlɛ pələi kɛ a Ɛfraimə nuą di wɔ, di nąą kəlee hon. Ɛfraimə nuąi ŋɛ̨i kɛi pu, da a pa yɛ kɛ ə tɛɛ, Galaadə nuą da mąąni kɛ, diɛ mą: «Ɛfraimə mun mąą yɛ́?» A kɛ diɛ: «Kpaa!»

Kɔlɔnikɔ Veerɛi 9:29

Salomɔn kɛ mɛ̨nį takpɛliɠaa tii, ə həɠə dɔlɔɔ tɔlɔɔɠaa ɓa, ə həli la gbəlamąąɠaa ɓa, di pɛ̨ɛ̨i Yálá kwəi mɛ̨nį hukulɔ mun Natan ŋą hɛɓɛ́i hu, da pɛ̨ɛ̨ Yálá kwəi mɛ̨nį hukulɔ mun Ahiya ŋɛ̨i kɛ Silo nwɛi hu, da gwɛlɛɛn gɛɛ kaamun Yedo nwɔ hɛɓɛ́í hu, gwɛlɛɛn gɛɛ ŋɛ̨i ə gaa yɛ hvilɛn na Nevatə lon Ɉeroboamə ɓa.