Tɔɔɓɛlaa dɔlɔɔ 11:23 - Yálá laawoo hɛɓɛ (dc)

²³ Yálá ə Salomɔn ɲowo takpɛli muhəɠə, yili ɓa kɛ a Ɛliada lon Rezɔn. Ə pu, ə həɠə Sova tɔɔmun Hadadɛzɛrə pɔɔli, yai kɛ a nąmu.

Yálá laawoo hɛɓɛ

²³ Yálá ə Salomɔn ɲowo takpɛli muhəɠə, yili ɓa kɛ a Ɛliada lon Rezɔn. Ə pu, ə həɠə Sova tɔɔmun Hadadɛzɛrə pɔɔli, yai kɛ a nąmu.

Bible

²³ Ɣâla è Iliada ǹóŋ Lezoŋ kɛ̀ máŋ é tɔ́ɔ Saloma ma. Lezoŋ è pù ŋɔmɛi-nuui Adadezɛ yêei. Adadezɛ è kɛ̀ a kâloŋ Zoba.

Tɔɔɓɛlaa dɔlɔɔ 11:23 Referans Kwoze

Tɔɔɓɛlaa dɔlɔɔ 11:14

Yai-Laa ə nu ta líi muhəɠə Salomɔn pɔ a ɲowolaa. Edɔmə mun kɛ a Hadadə, yai kɛ a Edɔmə tɔɔɓɛlaa huwu hu mun da.

Samia Veerɛi 8:3

Davidə ə pənə ə Sova tɔɔmun, Rehɔvə lon Hadadɛzɛrə hon a kɔ́; ɓɛlɔwai yili ə kɛ bɔ ə nwɔ ɲąąwooɓolaa hee la Eufratə ɲálee kwɛlɛ pələ.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Azaya 45:5

Ɲą́ą́ ɓə gáá a Yai-Laa, dakpɛli hvo laa, ə kulɔ ɲą́ą́ búlu, ɲą́ą́ ɓə! Ə kulɔ ɲą́ą́ búlu, yálá takpɛli hvo laa. Ŋą́ yala tɔɔ ə́ hąą, ya pa hvó gɔ́lɔn.

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Azaya 13:17

Gáá pai Medi nuą ɲąątɔɔi diɛ, di wɛi, di mąąkpaan vo wali ɓa, diɛ hɛni hviiɓo.

Mąątɛ̨nɛ̨ 60:1

Nwələ ɲɛ̨itɔwɔmun. Yagbudɛn mɛ̨i wələ. Davidə nwɔ nu mąąkwɛli wələ woo.

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Kɔlɔnikɔ Maa-ŋuŋ 19:6

Yii kɛa Hanun da Amɔn nuą di gaa diɛ, daa túwɔ́ pələ ɲɔ̨n gulɔ a Davidə, di wali kwələ waa tɔ̨nɔ̨ tɛɛ, diɛ li kɔ-kɔ wotoloɠaa da hoo mɛ̨i nuą həɠəi la, Aramə nuą pɔɔli, ɲalee hveelɛi kwɛlɛ da Aramə nuąi kɛ Maaka da Sova.

Samia Veerɛi 16:11

Davidə yɛ Avisai da bɔ nuą kəlee kpɔ kpun diɛ: «Nón! A gáá gwəi lon gbɔɔ-kpɔ, a hvilɛn búlú, yɛ kɛ ə ɲíi hvóló tee mɛ̨i, gu hvo mun kɛ Bɛnɉamɛn mun ŋɛ̨i! Ka nɛɛ laa, ə nɛ̨ŋɛ̨n naa kɛ; Akɛ Yai-Laa ɓə dɔɔ la-o.

Samia Veerɛi 10:8

Amɔn nuą di kulɔ di di tɔɔi kulɔ gɔ́ kɔ́ mɛ̨nį ɓa daa kpala. Aramə nuąi həɠə Sova da Rehɔvə, ɛlɛɛ, Tɔvə nuą da Maaka nuą, di tɔɔ a di tee gɔ kpalan ŋą.

Samia Veerɛi 8:5

Aramə nuą, diɛi kɛ heeni Damasə daai, di pa diɛ kɛ di kpɔmąą tɛɛ Sova tɔɔmun Hadadɛzɛrə pɔ. Kɛlaa Davidə ə nu waa pow hveelɛ kɔ́w hveelɛ paa Aramə nuą lɔwai.

Tɔɔɓɛlaa dɔlɔɔ 11:22

Eziptə tɔɔmun yɛ mą: «Lə ɓə hvɛɠɛɛi la ɓɛ gwɛ́lɛ, yai ə́ kaa bɔ ə́ li ə́ wɔ lɔi hu?» Yili ə nwoo pulu pənə yɛ mą: «Hɛn gəlee kaa ɲə́i, kɛlaa, ə mą kɛ tii, nɛ́ɛ́ lɔ laa ŋį́ li.»

Tɔɔɓɛlaa dɔlɔɔ 15:18

Wali da hɛni yii lɛɛ Yai-Laa nwɔ hɛn gɔw laikɛi, da yii kɛ tɔɔmun yəi ɉɛn gɔw kəhi hu ɲəi bɛlɛ́n, Asa ə gəlee həɠə ə dɛɛ nwɔ tínuą pɔ, ə gɛ, di li la Bɛn-Hadadə pɔ, yai a Aramə tɔɔmun, ə ɓo a Hɛziɔn lon Tavrimɔn lon; ə kə heeni Damasə. Ə mo yili ɓa, yɛ mą:

Samia Veerɛi 8:8

Davidə ə ɓala kwɛli həɠə kpɔ kɛnɛ̨ Bɛta daai da Berotai daai, daaɠaai tii di kɛ a Hadadɛzɛrə nwɔɔ.