Tɔɔɓɛlaa dɔlɔɔ 11:1 - Yálá laawoo hɛɓɛ (dc)

¹ Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Yálá laawoo hɛɓɛ

¹ Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Bible

¹ Gâloŋ Saloma è lɔii da kpɛ́ni su nɛyaa támaa kùla é kúla Ize kaloŋ ǹóŋ-nɛnii pôlu. È nɛyâa kùla Môa nuu suui su, Amɔŋ-ŋai, Idɔŋ-ŋai, Sidɔŋ-ŋai da Ita-ŋai.

Tɔɔɓɛlaa dɔlɔɔ 11:1 Referans Kwoze

Dutɛrɔnome 17:17

Mąą hvo nɛ̨ɛ̨li nɛ̨ą kpulu kɛnɛ̨ hvo kɛ ɲəi, mąąhɔlɔɓo, yili a pɛli nwɔ kiliŋąhiɛ mąą pənəi gwəi, yɛ nwɔ kiliŋąhiɛ hvilɛn wali ɓa a wala kɛ tii, hɛni ɓa, yɛ kɛ diɛ ə kɛ ɲəi kɛnɛ̨.

Hanwon 6:24

Diɛ ɓə da ə́ mąą kwɛa wɛlikɛ nɛ̨ɛ̨nu ɓa, ə mą kɛ, nɛ̨ɛ̨nui hvo a ə nɛ̨ą nwɔ ŋąą hɛn nwoo.

Hanwon 7:5

Ə gɛ di ə́ mɛ̨i kaa wɛlikɛ nɛ̨ɛ̨nu tɔwɔ, da nu takpɛli nɛ̨ą laa nɛ̨ɛ̨ nwun ma.

Hanwon 2:16

Kili a ɲɛ̨i kɛ yɛ́, hvá pɛli ə́ wəli tɔɔi nwɛ̨ą nɛ̨ɛ̨nu nwɔ gbanalaa woo ɓa.

Tɔɔɓɛlaa dɔlɔɔ 11:8

Nɔi pulu nɛ̨ąąi kɛ ɲəi, ə gɛ lɔ tii di wɔ haliɠaai diɛ; diɛ lansan kələn diɛ, diɛ haláá kulɔ di wɔ haliɠaai diɛ.

Hanwon 22:14

Wɛli hon nɛ̨ąą laaləi kaa a ɓoloon, nui nwɛli hvo Yai-Laa ɓa, ya ɓə a too ɉu.

Tɔɔɓɛlaa dɔlɔɔ 3:1

Salomɔn ə kɛ a Eziptə tɔɔmun mɔlɔ; ə Eziptə tɔɔmun tii lon ɉəɠə a nɛ̨ą, ə ɉeei kulɔ Davidə taa. Ə lɛɛ laa, ə lɛɛ la ɉu Salomɔn ə kpɛɛ a nwɔ tɔɔ pɛ́lɛ́i tɔɔ da Yai-Laa nwɔ pɛ́lɛ́i, ə mą kɛ Ɉerusalɛmə mąąkpɛ hį́i.

Hanwon 23:33

Ə́ ɲɛ̨i a hɛnŋąą tamąą kaa a gɔwɔɓɛɛ, yɛ́ hvaa poto-poto.

Levetekɔ 18:18

«Hvó laa a ə́ nɛ̨ą logolo, a wala kɛ tii ə́ yólaa, ɓɛlɔwai ə nɛ̨ą kaa ni la yɛnɛ̨ɛ̨; yili a tolo muhəɠə.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.

Ɛsdrasə 10:44

Nuą tii kəlee daa kɛ nwɛ̨ą nɛ̨ąą həɠə, daa di yee kulɔ gəlee hu, da di lonnii.

Hanwon 31:3

'Hvó ə́ hvaŋą tɛɛ nɛ̨ąą pɔ, nɛ̨ąąi da tɔɔɓɛlaa too, 'hvó hvilɛn di pulu.

Tɔɔɓɛlaa dɔlɔɔ 14:21

Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Tɔɔɓɛlaa dɔlɔɔ 14:31

Roboamə ə laa nąnnii kwɛlɛ, di bowa loo nąnni kámą hu Davidə taa. Roboamə lon Abiyamə ɓə hee dɔɔkpəli ɉu a nąn mąąhvalin. Roboamə nee laa ɓa kɛ a Naama, Amɔn lon.

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»