Biblia Todo Logo
Bib sou entènèt

- Piblisite -




Tɔɔɓɛlaa dɔlɔɔ 10:5 - Yálá laawoo hɛɓɛ (dc)

5 da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Gade chapit la Kopi

Yálá laawoo hɛɓɛ

5 da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Gade chapit la Kopi

Bible

5 È m̀ii-sã̂ai kàa kɛ̀ ŋɔtêƃelei ŋái, ŋɔnûa láa túɛ-ƃelai dísee-sãai, gâloŋ ŋɔpɛ́rɛi mu-tii kɛ́-ƃelai maa-ɣiri seɣe-ŋai kɛ̀ dîai, ŋɔkpele kɔ̂ɛ tɛɛ-ƃelai, da géreŋ da zâla sãai è gùla a sâla Yâwɛɛ ŋɔɣâla-pɛrɛ kɛ́tɛi mu. M̀ɛnii ŋí è ǹíi nɛ̃ɛ kpɔ́ a ŋ̀ánaa.

Gade chapit la Kopi




Tɔɔɓɛlaa dɔlɔɔ 10:5
12 Referans Kwoze  

Supimə da Hosa, hvóló ɓɛlai bələ kpon, da kɛ mą: Salɛkɛtə, yai ɲee kpukpu ɓa pələ. Golóɠaa heekpəlinna kɛ pələ ka:


Dɔɔmun a həɠə ɲɛnɛ̨ɛ̨ pələ, a tɛɛ a gbon tii nwɔ ɲiman mu pələ, ə lɔ, ə tɔɔ gbon nwulu ɓa, yili pulu, ɉaláá laa həli nuą di dɔɔmun nwɔ haláá hɛn da gəlee kələn kulɔ, da nwɔ liilaa halááɠaai. Dɔɔmun a pɛlɛ niiɓa bɛlɛ́ laaləi, yili pulu, ə kulɔ; kɛlaa, di hva bɛlɛ́ laa kpulu, ə lɛɛ ɉu yələ ə wulu.


Kɛlaa tɔɔmun nwɛi, yɛ bələi gaa la a tɔɔmun, nąą ɓə gaa pai heei laa yɛ kɔ̨nɔ̨n mįi Yai-Laa lííla. Gaa pai kɛi lɔi a ɲimɛn mu pɛlɛ laaləi pələ, yɛ kulɔ a bələ yii ti.


Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»


Kɔ̨nɔ̨n kɛ lííla, nwɔ tínuą yii pɛlɛ, ŋą koló kɛ nuą kɛ pələ, da di mąąyili pələ, nuąi kɛ nɔɔ mɛ̨nį nwun na da di mąąyili pələ, haláá hɛn da gəlee kələn, yai ə kɛi gulɔ Yai-Laa nwɔ pɛlɛ́i mu; mɛ̨nįɠaa tii kəlee ə gɛ, dɔɔ nɛ̨ɛ̨nui tii hvo pɛli hvaai.


Háá ɓaa háá, diɛi tii di huwu ɓə bɛlɛ́ laaləi pələ. Di kaláɓɔlɔ ɓə wɔlɔ kɛ Levi lonnii di wɔ ɓiwui hu ɉíí la.


Asiri tɔɔmun mąą mɛ̨nį ɓa, ɲįmąn ŋɛ̨i di bɛli Yai-Laa yəi bɛlɛ́n diɛ kɛ naa ɓaa: túwɔ́ yələ; Akazə ə nąą kɛ pələ mąąhvalin, ə mą kɛ ɓɛi tɔɔmun a lɔ laa ɲɛnɛ̨ɛ̨ pələ.


Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.


Ə mo diɛ, yɛ diɛ: «Nu hveelɛ də li Yálá hvɛli mɛ̨nį ɓa. Dɔ̨nɔ̨ ə kɛ a Farisiɛ̨ dɔ̨nɔ̨ yɛ ɓo a nįįhɔ̨nwɔ̨ kulɔ mun.


Saba tɔɔ nɛ̨ɛ̨nui tii ə Salomɔn nwɔ kili kɛnɛ̨ pələ kaa, ə mą kɛ bɛlɛ́i ə dɔɔ,


Nɛ̨ɛ̨nui tii yɛ tɔɔmun ma: «Yii ŋą́ mɛ̨n nwɔ́ lɔi hu, yɛ hvilɛn na ə́ wɔ mɛ̨nį ɓo pələ ɓa, da ə́ wɔ kili kɛ ɲəi laa, gaa kpɔ tii a tɛ̨ą.


Swiv nou:

Piblisite


Piblisite