Tɔɔɓɛlaa dɔlɔɔ 10:25 - Yálá laawoo hɛɓɛ (dc)

²⁵ Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Yálá laawoo hɛɓɛ

²⁵ Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Bible

²⁵ Diai kélee da kâa pà naa kâai a kóraŋ kéleei, da kâa pà a sáma-sãa yɛ̂ɛ sɛŋ káo kole da gôo, kâloŋ yokpo lɛ́lɛɛ sɔ̃ɔ kpanaŋɔɔ-ŋa, kɔ́ kɔ́-sãa, mii-sãa kúŋ lɛ́lɛ sãa, soo-ŋa da mûu-ŋa.

Tɔɔɓɛlaa dɔlɔɔ 10:25 Referans Kwoze

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Izikiɛ 27:14

Bɛtə-Togarma nwɛi, gilɛ həɠə hooɠaa da kɔ́ kɔ́ hooɠaa, da tiɛ̨-həɠə hooɠaa ɓə ə kɛi paa la ə́ pɔ.

Azaya 66:20

Nuą di kaa pai pai a ka kaayɔwɔɠaa diɛ həɠə lɔi takpɛliɠaa hu, diɛ gɛ a Yai-Laa kɔ́ hɛn, di ɓo hoo mɛ̨i, da wotoloɠaa, da luwu hu, di ɓo hoohvaalənŋąą mɛ̨i, da ɲɔɔmɛ̨ɛ̨ɠaa. Diɛ li nwɔ́ yee mąąhəɠɛɛi mɛ̨i, yii gaa a Ɉerusalɛmə; Yai-Laa woo li. Yɛ bələi lɔ Israɛlə lonnii diɛ kpɛli, da kɛ pai a kɔ́ɓo hɛnŋąą, hɛnɲąŋą mąąhəɠɛɛɠaa hu Yai-Laa yəi bɛlɛ́n.

Azaya 36:16

'Ka hvo ka wəli tɔɔ Ezekiasə woo ɓa, kɛlaa, mɛ̨nįi Asiri tɔɔmun gaa moi ya ka: ‹Ka gu too nɛ̨ɛ̨laa hu, ka ka kpɔwɔ tɛɛ bɔ́, ka gɛ tii, nu tɛi tɛi kaa pai nwɔ tíi mą mįi, ə nwɔ hihɛn ma mįi, yɛ gbələ a nwɔ yálɔwai hu yá.›

Mąątɛ̨nɛ̨ 72:15

Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Ɛsdrasə 2:66

Hoo ə kɛ di yəi nwun mɛ̨ihveelɛ ɲee haaɓa kɔ́w mɛ̨ida, (736) da tįɲɛ̨-həɠə hoo nwun veelɛ ɲee nąąn kɔ́w lɔɔli (245)

Kɔlɔnikɔ Veerɛi 26:8

Meun nuą di kɛi nįįhɔ̨nwɔ̨ kulɔ Oziasə ɓa. Oziasə laa ə tɛ, ə həli la Eziptə lɔi ɲɛ̨n ma; mąąhɔlɔɓo, vaŋą ə kɛnɛ̨ kpɔ a neelee.

Kɔlɔnikɔ Veerɛi 9:24

Nu kəlee di kɛi pa a ɉamą; daɠaa wali hɛnŋąą, hɛni hɛnŋąą, həɠəɠaa, kɔ-kɔ kwɛli hɛnŋąą, hɛn gunnɛ̨ɛ̨ɠaa, hooɠaa da tiɛ̨-həɠə hooɠaa; yili ə kɛi kɛ tii a kwɛlan gəlee.

Tɔɔɓɛlaa veelɛ 17:4

Kɛlaa, Asiri tɔɔmun aa kɛ gbaɠala kaa, yɛ Ose a nɔgilii kɛ mą. Mąąhɔlɔɓo, Ose ə nuą tɔɔ Eziptə tɔɔmun So pɔɔli, ɛlɛɛ, hvo kɛa kɛi nįįhɔ̨nwɔ̨ kulɔ Asiri tɔɔmun mą yɛ bələi a gɛ la a kwɛlan gəlee. Asiri tɔɔmun ə Ose hon, ə yɔwɔn doo gɔwɔ kwąną, ə doo gaho ŋą.

Tɔɔɓɛlaa dɔlɔɔ 18:5

Akabə yɛ Ovadiahu ɓa: «'Li, nɔi ɲa nwun gulɔi kəlee ɓa, moloon gəlee hu, gbəli hu gu kaa pai kala tiliin ɉɔlɔɓoi, ə kɛ a díɲɛ̨-həɠə hooɠaa da ɉooɠaa kɔ̨nɔ̨n, diɛ pɛli lɛɛi gu yəi a di hvulú. Ɛlɛɛ, gu hva kiɛ kpaan daatɛlɛɛɠaa bələ tɔ̨nɔ̨ paai.»

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Tɔɔɓɛlaa dɔlɔɔ 1:33

Tɔɔmun yɛ diɛ: «Ka ka nwun nąmu nwɔ kɔ́kulááɠaai həɠə, ka nón Salomɔn hee nwɔ́ hoohvaalən mɛ̨i, ka li la Gihɔn.

Samia Veerɛi 8:10

Toi ə non Yoramə tɔɔ yɛ li Davidə nwɔ lúwuɲɛ̨n ɉi, gɛ mɛ̨nį ɲee aa tɛɛ Hadadɛzɛrə ɓa a kɔ́. Toi ə gɛ tii, mąąhɔlɔɓo, ɲowo ɓa kɛ a Hadadɛzɛrə. Toi ə Davidə nwɔ lúwuɲɛ̨n ɉɛnŋąą kɛ a hɛnŋaa huwu ɲɛ̨i tamąą, di ɓo a: Hɛni, wali kwɛli, da ɓala kwɛli.

Samia Veerɛi 8:2

Davidə ə Moabə nuą hon a kɔ́; ə di pɛlɛ nɔi ɓa, ə di heei kɛ haaɓa, ə ɉeei hveelɛ paa, ə ɉeei tɔ̨nɔ̨ lɛɛ a vulú. Moabə nuą di lɛɛ Davidə yee mu, diɛ nįįhɔ̨nwɔ̨ kulɔ mą.

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Nwun mąąɓo 3:15

Israɛlə nuą di wɔlɔ Yai-Laa ɓa, Yai-Laa ə di nwun mąąɓomun dɛɛ di pɔ, yai kɛ a Gera lon Ehudə yai kɛ a Bɛnɉamɛn mun, gɔɓɛɛ kɛ. Israɛlə nuą di di yee pɛlɛ gee ɓa, di dɛɛ Ehudə pɔ, yɛ li naa lɛi Moabə tɔɔmun Ɛglɔn pɔ.

Zɛnɛse 36:24

Siveɔn lonnii laa ka: Aya da Ana. Ana ɓə ta lɛɛ nąn Siveɔn nwɔ hoohvaalənŋąąi pulu, ə kulɔ ya ɓa nɔi pun ɉu.

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Tɔɔɓɛlaa dɔlɔɔ 5:1

Salomɔn ə kɛi tɔɔlaa kɛ, ə həɠə Eufratə ya kwɛlɛ, dɔɔlaaɠaa kpɔ kɛ laa, gəlee mɛ̨i, ə li Filisti nuą di wɔ lɔi ɓa; ə lɛɛ la ɉu, ə həli da Eziptə nuą ɲɛn ma. Salomɔn ŋą yɛnɛ̨ɛ̨ kəlee yee mu, di kɛi tíi kɛ mą, diɛ nįįhɔ̨nwɔ̨ kulɔ mą.