Tɔɔɓɛlaa dɔlɔɔ 10:2 - Yálá laawoo hɛɓɛ (dc)

² Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Yálá laawoo hɛɓɛ

² Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Bible

² È pà Zerusâlɛŋ a núu-kpulu kɛ́tɛ. Zoo-faleŋ-ŋai díkɛ liî a leɣi maa pɔri sãa, gôo támaa da kɔni sɔ̃ɔ kpanaŋɔɔ-ŋa. È pà Saloma pɔ́ da ǹyaa dí lóno é pîlaŋ mɛni-ŋai dîa kɛ̀ gíli ŋá gɛ́ pâi.

Tɔɔɓɛlaa dɔlɔɔ 10:2 Referans Kwoze

Gɛlaɠaa 25:23

Mąą yələ laa ɓoɔ, Agripa da nɛ̨ą Berenisə di pa a tɔɔmun ba pələ, nu kpulu yɛ ɓo di pɔ, di lɔ mɛ̨nį ɓo kɛ pɛlɛ mu, da yala nąmįną kpɛa-kpɛaa tamąą, ə pɛlɛ la daai kalanɉonŋaa diɛ. Ya ɓə Fɛstusə ə mo, di pa a Polə.

Lukə 24:15

Ɓɛlɔwai di kɛi nonoi tii kɛ la, diɛ ɉu yala di kee lɔwai, Jesus kpinįi ə kulɔ diɛ pono ŋą, da diɛni diɛ li.

Mąątɛ̨nɛ̨ 4:4

Ka kili ə kɛ ɉu, káá, Yai-Laa aa bílɛ a nwɔ mɛ̨inɛ̨ɛ̨ níiɓamun mąą mɛ̨nį ɓa. Ŋą́ Yai-Laa təli, aa nwóó mu hon.

Zôo 4:2

Ɉobə, vá pɛli kɛ hvaai ə́ pɔ, mąąhɔlɔɓo, ə́ laanɔ̨nwɔ̨ ɓoɔi. Kɛlaa yaan, vá pɛli náá pilɛi.

Tɔɔɓɛlaa veelɛ 20:13

Ezekiasə kwəi ə nɛɛ nuą tii pa mɛ̨nį ɓa. Ə ɲəi hɛn gɔwɠaa nąą lɛ diɛ: wali hɛni, wulu malaan gun nɛɛ, da wulɔ kun nɛ̨ɛ̨ɠaa, ə mą kɛ yii kpɔ kɛ nwɔ hɛn gɔw pɛlɛ mu. Hɛn da hvo lɛɛ laa, yii Ezekiasə hvo nąą lɛ diɛ ɲɛ̨i bɛlɛ́n mąn, da dɔɔ kwəlii nąą kəlee.

Tɔɔɓɛlaa veelɛ 5:9

Naaman ə pa a nwɔ wotoloɠaa, da nwɔ hooɠaai ə di tɔɔ Elise yəi bɛlɛ́ laaləi.

Tɔɔɓɛlaa veelɛ 5:5

Aramə tɔɔmun yɛ Naaman ɓa: «'Hvílɛn bələ ɓa ə́ li, gáá hɛɓɛ́ kɛi ŋą́ dɛɛ Israɛlə tɔɔmun mą.» Naaman ə tɛɛ yɛ li. Gɛɛ lii, ə wali kwələ kilə nwun ɉaaɓa həɠə, hɛni kilə pow mɛ̨ida, da hiŋɛ̨nɉəɠə pow.

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Lɛɛ gbɔwɔ ɓa 25:6

Labon dɔɔ wulɔ, nu mąąti wulɔ, hąmą;

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Tɔɔɓɛlaa dɔlɔɔ 10:3

Salomɔn ə nwɔ kɛɛ mąąnin nwooɠaa kəlee pulu pənə. Mɛ̨nį ta hvo kɛ laa, yii ɉu kpinį pələ a gɛ tɔɔmun hva pɛli bulu pənəi.

Azaya 30:6

Mɛ̨nįi di naa həli Negɛvə huwɔɠaa diɛ. Di kaa tɛɛi mɔ̨nɔ̨ lɔi hu, da liihɛlɛn nɔi, a nɔi hu kpalaai, yala haa da yala hilɛ, tumu da yileen di taa ŋą, diɛ li a di yəi hɛn gɔwɠaa da di yəi waliɠaa, hoohvaalənŋąą mɛ̨i, da ɲɔɔmɛ̨ɛ̨ɠaa mɛ̨i, diɛ dɛɛ nu huwui dɔlɔ hvo pai həli Israɛlə ɓa, bɔ.

Izikiɛ 27:22

Ə mą kɛ Saba da Raema yɔw ɓɛlaa, lɔwɔ ə kɛ ka diɛni ka lɔwai. Di wɔ mąątí wulɔ kun nɛ̨ɛ̨ nɛlɛɛɠaa ɓə di kɛi dɛɛ ə́ pɔ, da kúwɔ́-kwɛni huwui lɔpee gəlee, da hɛni.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.