Tɔɔɓɛlaa dɔlɔɔ 10:10 - Yálá laawoo hɛɓɛ (dc)

¹⁰ Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Yálá laawoo hɛɓɛ

¹⁰ Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Bible

¹⁰ È gôo pãŋ wála lɔ́ɔlu mɛi náaŋ tɛ̀ɛ gâloŋ pɔ́, mii-sãa maa kpɛtɛ-sãa sîi támaa da kɔni sɔ̃ɔ kpanaŋɔɔ-ŋa. É kúla mii-sãa maa kpɛtɛ-sãa sii támaai ŋí pôlu, Seba nɛni-kaloŋ è pà a dia a zu kɛ́tɛi, Gâloŋ Saloma fé ŋɔ́nɔ wɔ́lɔ mii-sãa maa kpɛtɛ-sãa da sɔlɔ ƃó ní a gɛ́ɛ tí.

Tɔɔɓɛlaa dɔlɔɔ 10:10 Referans Kwoze

Tɔɔɓɛlaa dɔlɔɔ 10:2

Ə pa Ɉerusalɛmə, nu kpulu kɛnɛ̨ yɛ ɓo bɔ, da ɲɔ̨nwɔmɛ̨ɛ̨ɠaa wulɔ kun nɛ̨ɛ̨ɠaa, da hɛni di ɓo kpɔ diɛ̨ hu kɛnɛ̨, da Kúwɔ́-kwɛni lɛlɛɛɠaa. Həlii nɛ̨ɛ̨nui tii ə mo Salomɔn ɓa, mɛ̨nįɠaa kpɔ kɛ mąą mɛ̨nį nwąnąą mą, ə gəlee ɓo.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Mąątɛ̨nɛ̨ 72:15

Tɔɔmun ɲii ə kwɛa! Di kaa pai Saba hɛni tɛɛi bɔ; diɛ Yálá hvɛli mą a hvaŋąlɔ, diɛ túwɔ lúwɔ kɛi mą.

Mąątɛ̨nɛ̨ 72:10

Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.

Tɔɔɓɛlaa dɔlɔɔ 9:14

Hiramə ə hɛni kilə waa haaɓa pulu nwun mɛ̨ida tɛɛ Salomɔn ɓa.

Lɛɛ gbɔwɔ ɓa 30:34

Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Zɛnɛse 43:11

Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

M̀ɛni-lɛɛi 21:11

Ə kɛli lən a Yálá nwɔ mąąwiɛ laa. Nən bələ ə kɛ yɛ kúwɔ-kwɛnį ta, yɛ Jaspe kúwɔ-kwɛnį.

Hanwon 20:15

Hɛni da Kúwɔ́-kwɛniɠaa di laa tooɔi, Kɛlaa, yii ɓaa kili pələ ɓoɔ, yili hɔlɔɓo laa walaai.

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Ikilisiati 2:8

Ŋą́ wali hɔlɔɓo da hɛni, ŋą́ tɔɔɓɛlaa di wɔ hɛn gɔw hɔlɔɓo da di wɔ koɓitaaɠaa, di lɛɛ ɲéé mu. Wələ too hinąą da wələ too nɛ̨ąą di kɛ ɲə́i, hɛn kpɔ nu a giliŋąhiɛ mą yɛ ə kɛ ɲəi, gəlee ə kɛ ɲə́i; nɛ̨́ąni kpulu tamąą.