Tɔɔɓɛlaa dɔlɔɔ 1:39 - Yálá laawoo hɛɓɛ (dc)

³⁹ Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Yálá laawoo hɛɓɛ

³⁹ Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Bible

³⁹ Ǹaa ƃé zâla-láa soŋ-nuui Zadɔ è lɔ̀ naa Ɣâla ŋɔsua-kɔlɔ pɛrɛi mu é mĩlai síɣe nyíi ŋ̀úlɔi è kɛ̀ zui, é bú Saloma ŋûa. Nya ƃe dí dúrii fɛ̀ɛ, ǹûai kélee dí mò dîyɛɛi, “Gâloŋ Saloma lɛ̂wo lâai su é kôya!”

Tɔɔɓɛlaa dɔlɔɔ 1:39 Referans Kwoze

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Kɔlɔnikɔ Maa-ŋuŋ 29:22

Di di laa mįi, di di kpələ a kwəinɛ̨ɛ̨, Yai-Laa líi la a ɲələi tii, di Davidə lon Salomɔn hee a tɔɔmun, di pənə di wulɔ lɔ mą a Yai-Laa Laa, ə kɛ a ɲąąwooɓo kɛmun, ɛlɛɛ Sadɔkə ə kɛ a ɉaláá laa həli mun gɛnɛ̨.

Tɔɔɓɛlaa dɔlɔɔ 1:34

Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›

Samuɛlə dɔlɔɔ 10:24

Samuɛlə yɛ nɔi lonnii kəlee diɛ: «Nui Yai-Laa ə ɲee lɛ mą, kaa gaa! Gɔɔn mąą hvo nɔi lonnii kəlee lɔwai.» Nąąlɔwai, nu kəlee ə ɲee lɔwa, diɛ tomą, diɛ kɛ mą: «Tɔɔmun ə́ yii ə kwɛa!»

Kɔlɔnikɔ Veerɛi 23:13

Yɛ gaa ɲɛ̨i kɛi, tɔɔmun ga ŋɛ̨i tɔɔni gbəlin mɛ̨i bɛlɛ́ laaləi, nuą ɲɛ̨itɔwɔnuą da dúlu hvɛɛnuą di ɓo tɔɔmun gwɛlɛ, nɔi lonnii kəlee di ɓo kwəinɛ̨ɛ̨ hu, diɛ túlu hvɛɛ, hvɛli kɛ nuą diɛ hvɛli kɛ, diɛ lúwɔ́ too! Atali ə nɛɛmą ə mąąhəɠə huɓɛla, ə tómą, yɛ kɛ: «Lɔgilii ɓə! Lɔgilii ɓə!»

Kɔlɔnikɔ Veerɛi 23:11

Di nɛɛmą di tɔɔmun non Ɉoasə kulɔ, di dɔɔɓɔlɔ lɔ nwuɔ̨, di dɔɔhəɠəɠaa too gwaną, di ɉee a tɔɔmun. Yehoyada da nonnii di dɔɔwulɔ lɔ mą, di tómą kpɔ hɔ̨ɔ̨, diɛ mą: «Tɔɔmun ɲii ə kwɛa!»

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Tɔɔɓɛlaa dɔlɔɔ 1:25

Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Tɔɔɓɛlaa dɔlɔɔ 1:40

Nuą kəlee di hvilɛn Salomɔn pulu, diɛ túlú hvɛɛ, diɛ mąną. Nɔi ə kɛ yɛ a kɛi kpɛlin di kɔ́wɔ mu.

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Tɔɔɓɛlaa veelɛ 9:13

Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Tɔɔɓɛlaa veelɛ 11:14

Ə ɲɛ̨i hee bɛlɛ́n, ə tɔɔmun nįnɛ̨ kaa tɔɔni daɓali mɛ̨i. Yɛ bələi da gɛ la di yíi pələ hu, kalanɉonŋąą di ɓo tɔɔni gwɛlɛ da tulu hvɛɛ nuą, nɔi nuą kəlee diɛ mąną dulu woo ɓa. Atali ə nwɔ həɠəɠaai huɓɛla, yɛ diɛ: «Lɔgili ɓə! Lɔgili ɓə!»

Lɛɛ gbɔwɔ ɓa 30:35

Wulɔ kun nɛ̨ɛ̨ pɛli la, yɛ pələi mąątí wulɔ pɛli mun a gɛ la, kpolo yɛ ɓo mą, a nɛlɛɛ mąąhəɠɛɛ.

Tɔɔɓɛlaa dɔlɔɔ 2:15

Adoniasə yɛ mą: «Yɛ́ kpinįi ə́ kili kaa ɉu, ɲą́ą́ ɓə kɛ mąą nɛ̨ɛ̨ ŋą́ kɛ a dɔɔmun, Israɛlə nuą kəlee ɲɛ̨i hiɛ kɛ mą́ą́, ə gɛ, ŋą́ kɛ a dɔɔmun. Kɛlaa, dɔɔlaa aa mą́ą́laa, aa li nə́ɠə Salomɔn pɔ, yili ɓə kɛ a Yai-Laa liiɓa, ə dɛɛ yaa tii bɔ.