Tɔɔɓɛlaa dɔlɔɔ 1:25 - Yálá laawoo hɛɓɛ (dc)

²⁵ Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Yálá laawoo hɛɓɛ

²⁵ Mąąhɔlɔɓo, háákələi ŋɛ̨i, aa li Ein-Rogɛlə ɲá nwun gulɔi, aa nįŋɛ̨ hilɛɠaa da nįŋɛ̨ gbɔnŋąą ə mą kɛ ɓɛlaa kpulu kɛnɛ̨ kulɔ laa a haláá; ɛlɛɛ, aa tɔɔmun nonnii kəlee təli, aa bɛlɛ gɔ́laɠa nwun nąmu ɓa, da ɉaláá laa həli mun Abiatarə. Da diɛni di kaa laa, diɛ di laa mįi, diɛ di kpələ, diɛ kɛ mą: ‹Tɔɔmun Adoniasə yíi ə kwɛa, kɛi a mo tii Yálá ə kɛ!›

Bible

²⁵ Sâa foloi ŋí ma, âa lí a sâla kula a niŋa sîrɛ-lonii, niŋa kpaya-kpaya-ŋa da ƃála támaa. È gâloŋ ǹônii-sinaai kélee tòli, Zoa nyíi gáa a gɔ-kuluƃa-ŋai láa-tuɛ-nuui da zâla-laa soŋ-nuui Abiata nyii-ŋai díkaa nâa dílaa mii díkɛ dí kpele ŋɛ́i-tuɛ, díkɛ mò dîyɛɛi, ‘Gâloŋ Adoniza lɛ̂wo lâai é kôya!’

Tɔɔɓɛlaa dɔlɔɔ 1:25 Referans Kwoze

Samuɛlə dɔlɔɔ 10:24

Samuɛlə yɛ nɔi lonnii kəlee diɛ: «Nui Yai-Laa ə ɲee lɛ mą, kaa gaa! Gɔɔn mąą hvo nɔi lonnii kəlee lɔwai.» Nąąlɔwai, nu kəlee ə ɲee lɔwa, diɛ tomą, diɛ kɛ mą: «Tɔɔmun ə́ yii ə kwɛa!»

Tɔɔɓɛlaa dɔlɔɔ 1:19

Adoniasə aa nįŋɛ̨ hilɛɠaa da nįŋɛ̨ gbɔnŋąą, ə mą kɛ ɓɛlaa kpulu kɛnɛ̨ kulɔ a haláá, aa tɔɔmun nonnii kəlee təli, ə mą kɛ ɉaláá laa həli mun Abiatarə, da ə́ wɔ kɔlaɠa nwun nąmu Ɉoabə. Kɛlaa, hvo kɛ ə́ lon Salomɔn təli li.

Tɔɔɓɛlaa dɔlɔɔ 1:9

Adoniasə ə ɓɛlaaɠaa, nįŋɛ̨ɠaa, da nįŋɛ̨ gbɔnŋąą kulɔ a haláá gwɛni ɓa, yai kɛ Ein-Rogɛlə ɲá ton gwɛlɛ. Gaayɔwɔɠaa ŋɛ̨i a Davidə lonnii, ə gəlee təli, da Ɉuda nuąi ŋɛ̨i kɛ a tɔɔmun nwɔ tínuą.

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Maafîu 21:9

Nu kpului tii kɛ bulu pələ da dɔwɔ pələ di kɛi tómą diɛ kɛ mą: «Mąąwiɛ ə kɛ Davidə Lon ɓa. Nui ŋɛ̨i gaa pai Ną́mu laa hu, lúwɔ́ ə kɛ mą. Mąąwiɛ kaa Yálá ɓa yələkɔlɔn ɉu!»

Kɔlɔnikɔ Veerɛi 23:11

Di nɛɛmą di tɔɔmun non Ɉoasə kulɔ, di dɔɔɓɔlɔ lɔ nwuɔ̨, di dɔɔhəɠəɠaa too gwaną, di ɉee a tɔɔmun. Yehoyada da nonnii di dɔɔwulɔ lɔ mą, di tómą kpɔ hɔ̨ɔ̨, diɛ mą: «Tɔɔmun ɲii ə kwɛa!»

Kɔlɔnikɔ Maa-ŋuŋ 29:21

Bulu ɓa yələ laaɓɔɔ di haláá kulɔ Yai-Laa ɓa, a haláá hɛnŋąąi da gəlee kələn: Nįŋɛ̨ hilɛ waa tɔ̨nɔ̨, ɓɛlaa hilɛ waa tɔ̨nɔ̨, ɓɛlaa lonnii waa tɔ̨nɔ̨, da nɔɔi mąąnɛ̨ɛ̨ di bu nɔi ɓa; di haláá tamąą kulɔ Israɛlə kəlee mąą mɛ̨nį ɓa.

Kɔlɔnikɔ Maa-ŋuŋ 29:13

A kɛ tii, háákələi, ku wɔ Yálá, ku kaa Ə́ hɛɠɛɛɓoi, kuɔ ə́ nwɔ kɛnɛ̨laa laa mąąwiaa 'ə tɛ.

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Tɔɔɓɛlaa dɔlɔɔ 1:34

Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›

Samia Veerɛi 16:16

Arki mun ŋɛ̨i a Husai Davidə mɛlan, ə həli Absalɔn ɓa. Husai yɛ Absalɔn ɓa: «Tɔɔmun ə́ yii ə kwɛa! Ə́ yii ə kwɛa.»

Maafîu 22:4

«Ə pənə ə nwɔ tínuą takpɛliɠaa tɔɔ, yɛ diɛ: ‹Ka li nuą tii ŋą́ di təli kaa diɛ: «Niɉɛ gbɔnɉaai ŋą́ di paa gəlee daa mɔ. Di pa kɛa ku ku kwəinɛ̨ɛ̨ nón nwɔ húlu lɔ hɛlii hu.»›

Tɔɔɓɛlaa dɔlɔɔ 1:24

Yɛ tɔɔmun ma: «Nwɔ́ mɛ̨nį nąmu tɔɔmun, a kɛ tii, yɛ́ ɓə mo yɛ́ kɛ: ‹Adoniasə ɓə heei a tɔɔmun, a mąąhvalin?›

Tɔɔɓɛlaa dɔlɔɔ 1:39

Ɉuwɔ mįnɛ̨i nwulɔ ə kɛ ɉu gələ mu, ɉaláá laa həli mun Sadɔkə ə ɉəɠə, ə bu Salomɔn nwuɔ̨, ə mąąti, ə gɛ a tɔɔmun. Di dulú hvɛɛ, nu kəlee di tomą, diɛ kɛ mą: «Tɔɔmun Salomɔn yii ə kwɛa!»

Tɔɔɓɛlaa dɔlɔɔ 2:15

Adoniasə yɛ mą: «Yɛ́ kpinįi ə́ kili kaa ɉu, ɲą́ą́ ɓə kɛ mąą nɛ̨ɛ̨ ŋą́ kɛ a dɔɔmun, Israɛlə nuą kəlee ɲɛ̨i hiɛ kɛ mą́ą́, ə gɛ, ŋą́ kɛ a dɔɔmun. Kɛlaa, dɔɔlaa aa mą́ą́laa, aa li nə́ɠə Salomɔn pɔ, yili ɓə kɛ a Yai-Laa liiɓa, ə dɛɛ yaa tii bɔ.

Tɔɔɓɛlaa veelɛ 9:13

Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Tɔɔɓɛlaa veelɛ 11:14

Ə ɲɛ̨i hee bɛlɛ́n, ə tɔɔmun nįnɛ̨ kaa tɔɔni daɓali mɛ̨i. Yɛ bələi da gɛ la di yíi pələ hu, kalanɉonŋąą di ɓo tɔɔni gwɛlɛ da tulu hvɛɛ nuą, nɔi nuą kəlee diɛ mąną dulu woo ɓa. Atali ə nwɔ həɠəɠaai huɓɛla, yɛ diɛ: «Lɔgili ɓə! Lɔgili ɓə!»