Tɔɔɓɛlaa dɔlɔɔ 1:13 - Yálá laawoo hɛɓɛ (dc)

¹³ 'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Yálá laawoo hɛɓɛ

¹³ 'Li! Ə́ həli tɔɔmun ma, yɛ́ mą: ‹Kɛlɛi yɛ́ ɓə a nwɔ́ mɛ̨nį nąmu-ee! Kɛlɛi yə́ ɓə ə́ kwɛla ə́ wɔɔ luwu nɛ̨ą ɓa, yɛ kɛ mą: «Ə́ lon Salomɔn ɓə pai heei dɔɔkpəlin ɉu a mą́ą́hvalən», ə tɛɛ kani ləi yai Adoniasə kaa kɛa a tɔɔmun?›

Bible

¹³ Lí Gâloŋ Deeƃé pɔ́-naa loníi ma í mò ma, ŋánuu-namui gâloŋ, ífe ífoo ní íyee mu-nuui yêei, ƃîɛi, íloŋ-surɔŋ Saloma a pâi kɛ̂i a kâloŋ ḿbɔɔ ŋá, ǹyaŋ a pâi seêi ŋákâloŋ see-sɛŋ ŋá? Gɛ̀ ní lé ƃé gɛ̀ Adoniza káa a kâloŋ?

Tɔɔɓɛlaa dɔlɔɔ 1:13 Referans Kwoze

Tɔɔɓɛlaa dɔlɔɔ 1:30

gáá gwɛlai yɛ́ a naa, yai gaa a Israɛlə nwɔ Yálá, gɛ́ yɛ́; ə́ lon Salomɔn ɓə pai kɛi a mą́ą́hvalin, ŋą́ həɠə dɔɔkpəlin ɉu, ya ɓə a hee laa. Háákələi hvólói ŋɛ̨i hu, gáá gɛi ti.»

Tɔɔɓɛlaa dɔlɔɔ 1:17

Bɛtsabe yɛ tɔɔmun ma: «Nwɔ́ mɛ̨nį nąmu, yáá kɛ ə́ kwɛla a Yai-Laa ə́ wɔ Yálá laa, ə́ wɔ luwɔ nɛ̨ą ɓa, yɛ́ kɛ mą: ‹Ə́ lon Salomɔn ɓə pai heei dɔɔkpəlin ɉu a mą́ą́hvalin.›

Ɉeremi 33:21

akɛti, mįnɛ̨i kwa nwɔ́ tí mun Davidə ku ɉəɠə, ɉu a kala; ɉuwu ta hva kɛa pɛli kɛi a tɔɔmun, ə ɓo heeni nwɔ tɔɔkpəlin hu. A kɛ lɔ nwɔ̨nɔ̨ tii a mįnɛ̨i ku ɉəɠə kwa Lévi lonnii, diɛi tii a nwɔ́ tínuą ɉaláá kulɔ mɛ̨nį hu.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Kɔlɔnikɔ Maa-ŋuŋ 29:23

Salomɔn ə hee Yai-Laa nwɔ tɔɔkpəlin hu a nąn Davidə mąąhvalin, ɛlɛɛ hɛn gəlee ə lɛlɛ mą; Israɛlə nuą kəlee di kɛ nwoo ɲą.

Tɔɔɓɛlaa dɔlɔɔ 2:12

Salomɔn ə hee nąn Davidə nwɔ tɔɔkpəlin ɉu, nwɔ tɔɔ ɲee kɔ́nwɔ̨n ɉu lɔ ɓə kɛi ɓɛlɛ a nwąnąi.

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Tɔɔɓɛlaa dɔlɔɔ 1:24

Yɛ tɔɔmun ma: «Nwɔ́ mɛ̨nį nąmu tɔɔmun, a kɛ tii, yɛ́ ɓə mo yɛ́ kɛ: ‹Adoniasə ɓə heei a tɔɔmun, a mąąhvalin?›

Tɔɔɓɛlaa dɔlɔɔ 1:11

Nąąlɔwai, Natan ə mo Salomɔn nee Bɛtsabe ɓa, yɛ mą: «Hvó ni bələ mɛ̨n ni, diɛ kɛ: Hagitə lon Adoniasə ɓə a nwɔ́ mɛ̨nį nąmu Davidə mąąhvalin dɔɔlaa hu; kɛlaa nąn gili hvo ɉu?

Tɔɔɓɛlaa dɔlɔɔ 1:35

Ka hvilɛ bulu, ka diɛni ka pa, ka ɉee nwɔ́ tɔɔkpɛlin ɉu, ə kɛ kɛa a dɔɔmun, a mą́ą́hvalin. Yaa tii ɓə ŋą́ą́ gɛ a tɔɔmun Israɛlə lɔi da Ɉuda lɔi di nwun na.»

Dutɛrɔnome 17:18

Akɛ kɛa, dɔɔmun a pa tɛi ə hee dɔɔ kpəlin ɉu, ɉaláá kulɔ nu huwui ŋɛ̨i a Leviɠaa, di kaa pai dɔ́n ɉɛɓɛ́ pɛ̨ɛ̨ tɔ̨nɔ̨ tɛɛi bɔ a nwɔɔ.

Tɔɔɓɛlaa dɔlɔɔ 1:14

Ɓɛlɔwai ə́ kaa pai kɛi nwoo tii ɓoi la tɔɔmun ma, gáá pai lɔi nąąlɔwai, ŋą́ ə́ woo tii ta kɛ mą.»

Kɔlɔnikɔ Maa-ŋuŋ 28:5

Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.