Zɔ̂ŋ Maa-ŋuŋ 5:13 - Yálá laawoo hɛɓɛ (dc)

¹³ Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.

Yálá laawoo hɛɓɛ

¹³ Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.

Bible

¹³ Ŋa m̀ɛnii ŋí pɔ̃yɛ kápɔ naa káai kálaâi a Ɣâla Ǹóŋ láai, a gɛɛ ká gɔ́lɔŋ ŋwɔlɔ-wɔlɔ fúlu-laai káa káyêei.

Zɔ̂ŋ Maa-ŋuŋ 5:13 Referans Kwoze

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Ɉaan 3:18

Nui a laa Yálá lon na, kiti hvo mąą nu ɓa, kɛlaa, nui a wala laa na, mąą nu kiti tɛɛi kɛa. Mąąhɔlɔɓo, hvo kɛ laa li Yálá Lon tɔ̨nɔ̨ gbən na.

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Galatə 4:6

A tɛ̨ą, ká káá kpɔ a Yálá lonnii a neelee, Yálá aa non nwɔ Kilii yɛɛ gu lii hu, yai a kɛ tomąi gu hu, guɔ kɛ mą: Nąn!

Zɔ̂ŋ Maa-ŋuŋ 5:10

Nui a laa Yálá Lon na, gɛla hvaa tii kaa mąą nu kpinį hu. Nui a wala laa Yálá la, aa gɛ a lɛɛmun, mąąhɔlɔɓo, gɛla hvaai ɓo, hvo laa li na, yai Yálá ə mo Non mąą manį hui.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Zɔ̂ŋ Maa-ŋuŋ 1:4

Ɛlɛɛ, Ku kaa yili pɛ̨ɛ̨i ku dɛɛ kaa, ə gə, ku wɔɔ kwəinɛ̨ɛ̨ laa ə kulɔ.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Ɉaan 2:23

Ɓɛlɔwai Jesus ə kɛ la Ɉerusalɛmə daai a pakə hɛli hvóló, gbalo mɛ̨nįɠaai tii ə kɛi gɛ diɛ gaa, nu tamąą di laa na.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

Gɛlaɠaa 3:16

Ku kilitɔɔ mɛ̨nį Jesus laa ɓa ɓə gɛ, Naa ti yɛ ɉulɔnui ŋɛ̨i ɓalo, yaai ka káá gaai, kaa ɓo a gɔlɔnŋąą. Nu kilitɔɔ mɛ̨nį Jesus laa ɓa ɓə gɛ ɉulɔnui ŋɛ̨i kɔ́lɔi yɛ pono kpɔ la tɛ̨ɛ̨tɛ̨ɛ̨, yɛ bələi ka káá gaai la.

Ɉaan 21:24

Galan non tii ɓə mɛ̨nįɠaa ŋɛ̨i mąą kɛla woo ɓoi, ɛlɛɛ, yɛ bɛ̨ɛ̨. Ku laai na, kuɔ diɛ: mɛ̨nįɠaa ŋɛ̨i ə mo, gaa a tɛ̨ą.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zɔ̂ŋ Maa-ŋuŋ 4:9

Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Zɔ̂ŋ Maa-ŋuŋ 5:11

Gɛla hvaa tii ka: Yálá aa yɛnɛ̨ɛ̨ hva kpɛɛ tɛɛ gu pɔ, ɛlɛɛ, ɲɛnɛ̨ɛ̨ tii kaa Non ɉu.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.