Zɔ̂ŋ Maa-ŋuŋ 4:8 - Yálá laawoo hɛɓɛ (dc)

⁸ Nui wɛlikɛmąąlaa hvo ɉu, hvo ni Yálá kɔlɔn, mąąhɔlɔɓo, Yálá kaa a wɛlikɛmąą.

Yálá laawoo hɛɓɛ

⁸ Nui wɛlikɛmąąlaa hvo ɉu, hvo ni Yálá kɔlɔn, mąąhɔlɔɓo, Yálá kaa a wɛlikɛmąą.

Bible

⁸ Ǹúui wɛli-kɛ-maa fé gbonôi, vé Ɣâla kɔ́lɔŋ. Kpɛ́ni fêi, Ɣâla káa a wɛli-kɛ-maa.

Zɔ̂ŋ Maa-ŋuŋ 4:8 Referans Kwoze

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Ifisiɛŋ 2:4

Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Zɔ̂ŋ Maa-ŋuŋ 1:5

Nwɛlɛɛ lɛlɛɛi ku mɛ̨n Jesus Kristə la, kuɔ naa həli káá ya ka: Yálá kaa a kɛɛ pono, nįnįn danɔ̨n kpɛli hvə ɉu.

Zɔ̂ŋ Maa-ŋuŋ 3:6

Nui lɔpee a kɛ ɉu, hva kɛa nɛ̨ŋɛ̨n ɉəɠə. Nui a nɛ̨ŋɛ̨n ɉəɠə, hva gaa, ɛlɛɛ hva gɔlɔn.

Zɔ̂ŋ Maa-ŋuŋ 2:9

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Zɔ̂ŋ Maa-ŋuŋ 2:4

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.