Zɔ̂ŋ Maa-ŋuŋ 3:7 - Yálá laawoo hɛɓɛ (dc)

⁷ Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Yálá laawoo hɛɓɛ

⁷ Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Bible

⁷ Nîa-pɛlɛɛ, káfe nɛ̀ɛ naa núu da é ká pɛ̀lɛ. Ǹúui a mɛni-sãa kɛ̀i, zã́âi yɛ̂ɛ berei ǹyaa Kôrai zã́âi lai.

Zɔ̂ŋ Maa-ŋuŋ 3:7 Referans Kwoze

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Lomaŋ 2:13

Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.