Zɔ̂ŋ Maa-ŋuŋ 3:21 - Yálá laawoo hɛɓɛ (dc)

²¹ Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Yálá laawoo hɛɓɛ

²¹ Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Bible

²¹ Ŋáwɛli-kɛ-maa-ƃelai, kúlii à wàla mɛni lɛɛ kûa, gɛ̀ ní kúlii kpelêɛi Ɣâla ma;

Zɔ̂ŋ Maa-ŋuŋ 3:21 Referans Kwoze

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Zɔ̂ŋ Maa-ŋuŋ 5:14

Gilitɔɔmąą laai gaa gu yəi, niila ya ka, ya ɓaa: Gwa hɛn da hvɛli mą yaa kpinįi niiɓa hu, a nwəli tɔɔ gu woo ɓa.

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zôo 22:26

Nąąlɔwai, Huwalawala Kəlee Nąmu a kɛ a ə́ yəi hɛn gɔw, ə lɛɛ, yɛ́ ə́ ɲɛ̨i tinɛ̨n Yálá pɔ pələ.

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Zôo 27:6

Gáá tɔɔni nwɔ́ tələnmolaa pulu, ə lɛɛ, və́ pai həɠəi bulu. Gílíŋahiɛ pələ, və́ ɉɔ́n gaai mą́ą́, hvóló tɔ̨nɔ̨ kpɛli yee mu.

Timote dɔlɔɔ 2:8

Yii kani gáá bɔ, ya ɓaa, ɓɛi lɔpee, hinąą da kɛi Yálá hvɛli laa, di di yee mąąhəɠɛɛ tɛ, lííholi hva kɛ diɛ, yəliháá hvo kɛ di lɔwai da nu ta.

Lomaŋ 14:22

Mɛ̨nį kɔlɔnŋąąi ə́ ɉɔlɔɓo laa na laa hu, yii lɛɛ ə́ kwəi ka Yálá ka lɔwai. Nui kiliŋąhiɛ pələ hva ɉɔn gaa mą, mąą nu nwun na nɛ̨ɛ̨i.

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Zɔ̂ŋ Maa-ŋuŋ 2:7

Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Zɔ̂ŋ Maa-ŋuŋ 3:20

mąąhɔlɔɓo, gu lii a gu hɔnmo, Yálá kɛnɛ̨i dɛɛ gu lii ɓa, ɛlɛɛ, a mɛ̨nį kəlee hukpɛ.