Zɔ̂ŋ Maa-ŋuŋ 3:2 - Yálá laawoo hɛɓɛ (dc)

² Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Yálá laawoo hɛɓɛ

² Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Bible

² Ŋáwɛli-kɛ-maa-ƃelai kákaa nâa a Ɣâla ǹônii. Vé niî lɛ́ ní kûa berei kwa pâi kɛ̂i lai. Kɛ́lɛ, kú gɔlɔŋ tãi a pâi pâi lai, kwa pâi kɛ̂i yɛ̂ɛ ǹyaa, kpɛ́ni fêi, kwa pâi gaâi nɔ́ yɛ̂ɛ berei gáa lai.

Zɔ̂ŋ Maa-ŋuŋ 3:2 Referans Kwoze

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Kolosə 3:4

Ɓɛlɔwai Kristə, yai a ká wɔ yɛnɛ̨ɛ̨, a pa pai la, káá kpɛlimąn, ká pa ka diɛni mąąwiɛlaa hu.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Korɛntə dɔlɔɔ 13:12

Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Mąątɛ̨nɛ̨ 17:15

Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Korɛntə dɔlɔɔ 15:49

Bələi lɔ gu kɛ la a lɔi mɛ̨i mun mąąnįnįn, pələ lɔ ɓə gu kaa pai kɛi la a yələkɔlɔn ɉu mun mąąnįnįn.

M̀ɛni-lɛɛi 22:4

Di ka pai kɛi ɲɛ̨ilai kaai, ɛlɛɛ, naa ə ɓo di tɔwɔla.

Piɛrə veelɛ 1:4

Yili ɓə gɛ, ə mɛ̨inɛ̨ɛ̨ lɛlɛɛɠaa da mɛ̨nį kpɛa-kpɛaa naa kwɛlanmo guɔ, ə gɛ, mįnɛ̨ həɠɛɛ ti haalai, ka pɛli kulɔi kiliŋąhiɛ ɲɔ̨nwɔ̨ɔ̨ yee mu yii gaa tɔɔlaa kɛi yɛnɛ̨ɛ̨. Ə gɛ, ka ka wɔ naa hɔlɔɓo nwɔ Yálá laa hu.

Korɛntə dɔlɔɔ 2:9

Kɛlaa, yɛ bələi bɛ̨ɛ̨i la, diɛ kɛ: «Mɛ̨nį lɛlɛɛɠaai Yálá aa bɛli nwɛlikɛmąą nuą mąą mɛ̨nį ɓa, ɲɛ̨i kɔ́w ta hvo ni gaa li; hvə ni too li wəli ta hu, ɛlɛɛ, mąą gili hvo ni too li nu kan ɲą.»

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Galatə 4:6

A tɛ̨ą, ká káá kpɔ a Yálá lonnii a neelee, Yálá aa non nwɔ Kilii yɛɛ gu lii hu, yai a kɛ tomąi gu hu, guɔ kɛ mą: Nąn!

Lomaŋ 8:18

Ŋą́ gɔlɔn gɛ́ diɛ: Mąąwiɛlaai gaa gu mąą kpɔn ɉi, gɛnɛ̨ɛi dɛɛ mɔ̨nɔ̨i gu kaa mįi yiihu mą.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Maafîu 5:8

Nwun na nɛ̨ɛ̨ nuą ɓaa nuąi di kwəi kwəlɛɛ Yálá ɓa. Mąąhɔlɔɓo, di kaa pai Yálá kaai!

Zɔ̂ŋ Maa-ŋuŋ 2:28

Yili ɓa, nónnii pɛlɛɛɠaa, 'ká ká heei kulɔ kani ɉu, əgɛ, ɓɛlɔwai gaa pai kulɔi la pono ɲą, gu kilitɔɔmąą laa walawala hɔlɔɓo, ɛlɛɛ, ba yələ, gu ɲɛ̨i hvo paa a nwumɛ̨ a gu mąąkwɛai da mo mą.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Zôo 19:26

Da pa kɛa gɔ́lɔ́i ŋɛ̨i mą́ą́ ɉukalai, gɔ́lɔ́ ɲąą pɛliɛ hu ɓə gáá pai ɲɛ̨́i tɔɔi la Yálá ɓa.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Mąątɛ̨nɛ̨ 31:19

Nɛɛ laaləiɠaai tii, di pɛlɛ mą diɛi tii da hvaa Tələnmolon ɉu, a tɛɠɛɓo ɉu, a ɲɛ̨i tɛ, a ɓɛlɛkpɛɛmąąlaa.

Azaya 56:5

gáá pai ɉələŋąn dɔɔi di mąą mɛ̨nį ɓa, gɛ́ laa tɛɛ di pɔ ɲə́i bɛlɛ́n, bɔ́ɔ́li; yili hviɛlaɓoɔi lon ɉinąą da lon nɛ̨ąą diɛ, gáá laa ta pɛ̨ɛ̨i diɛ a yələ kəlee da nwɔɔ, di hva gulɔ laa a yələi lɔpee ta.

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Lukə 17:30

Bələ kpɔlɔɔ ɓə gaa pai kɛi la a Nu Lon pa hvóló.

Lukə 20:36

Haa mɛ̨nį hvo kɛa diɛ, di kɛ pələ a kɛ yɛ malakaɠaa. Di kaa Yálá lonnii, mąąhɔlɔɓo, daa nwun.

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Lomaŋ 8:16

Gilii tii yaa kpinįi ɓə a nɛ gu nįį pɔ, yɛ gu kaa a Yálá lonnii.

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.

Zɔ̂ŋ Maa-ŋuŋ 2:7

Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Zɔ̂ŋ Maa-ŋuŋ 3:21

Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

M̀ɛni-lɛɛi 2:28

yɛ bələi ɲą́ą́ gbɛlimąn ŋį́ mąąlaa hɔlɔɓo la Ną́n Yálá yəi, ɛlɛɛ, ŋą́ yələ-ɓɔi-pɛmɛ̨lɛn-gɔw tɛɛ mąą nu pɔ.