Zɔ̂ŋ Maa-ŋuŋ 3:19 - Yálá laawoo hɛɓɛ (dc)

¹⁹ Yili hu ɓə, gwa gɔlɔn na, guɔ gu kaa tɛ̨ą hu, ɛlɛɛ, gu kaa pai liilaa hɔlɔɓoi níila,

Yálá laawoo hɛɓɛ

¹⁹ Yili hu ɓə, gwa gɔlɔn na, guɔ gu kaa tɛ̨ą hu, ɛlɛɛ, gu kaa pai liilaa hɔlɔɓoi níila,

Bible

¹⁹ Nyíŋi su ƃe kwa pâi gɔ́lɔnîi naa a gɛɛ kúkaa a dɔ̃yâi pɔ́ɔ. Lii-kpele a pâi kɛ̂i kúlii su ŋ̀ɛ́i,

Zɔ̂ŋ Maa-ŋuŋ 3:19 Referans Kwoze

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zɔ̂ŋ Maa-ŋuŋ 3:21

Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Azaya 32:17

Tɛ̨ą kaa pai ɓai a liilaa; tələnmolaa yɛ pa yɛnɛ̨ɛ̨ wəli pulu laɠi, a yələ kəlee mɛ̨nį.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Lomaŋ 4:21

Gili ə kɛ kpɔ kɛ, yɛ kɛ mɛ̨nįi ə naakwɛlanmo mą, a pɛli bɔ mɛ̨nį kɛi.

Ɉaan 13:35

Yili ɓə a gɛ, nu kəlee di gɔlɔn diɛ ka káá a nwɔ́ kalan nɛa, a ka kee wɛlila kɛi ka mo.»

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Zɔ̂ŋ Maa-ŋuŋ 3:20

mąąhɔlɔɓo, gu lii a gu hɔnmo, Yálá kɛnɛ̨i dɛɛ gu lii ɓa, ɛlɛɛ, a mɛ̨nį kəlee hukpɛ.

Mąątɛ̨nɛ̨ 119:56

Nwų́ɔ̨ tiɛ̨ ɓaa, ŋį́ ə́ wɔ tɔn wooɠaai pɔ mɛ̨nį kɛ.