Zɔ̂ŋ Maa-ŋuŋ 2:5 - Yálá laawoo hɛɓɛ (dc)

⁵ Kɛlaa nui a ɲee kąnąn Yálá woo ɓa, a tɛ̨ą, Yálá nwɔ wɛlikɛmąąlaa laa aa kulɔ mąą nu hu, yili hu ɓə gwa gbaɠala kɔlɔn na guɔ, gwa Yálá ni gu kaa ɉu tanɔ̨n.

Yálá laawoo hɛɓɛ

⁵ Kɛlaa nui a ɲee kąnąn Yálá woo ɓa, a tɛ̨ą, Yálá nwɔ wɛlikɛmąąlaa laa aa kulɔ mąą nu hu, yili hu ɓə gwa gbaɠala kɔlɔn na guɔ, gwa Yálá ni gu kaa ɉu tanɔ̨n.

Bible

⁵ Kɛ́lɛ, ǹúui a ŋ̀óoi lâai kɛ̀i, tɔ̃yâ ma, ŋwɛli-kɛ-maai gáa gbonôi Ɣâla maa-mɛni mai, ǹáa fɛɛ̂i. Ǹyaŋ nyíŋi a nɛ̀ kûa a tɔ̃yâ a gɛɛ kúkaa gbonôi.

Zɔ̂ŋ Maa-ŋuŋ 2:5 Referans Kwoze

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Zɔ̂ŋ Maa-ŋuŋ 3:24

Nui a ɲee kąnąn díɓoɠaa tii diɛ, aa ɉeei kulɔ Yálá hu, ɛlɛɛ, Yálá yaa kpɛlimąn aa ɉeei kulɔ ɉu. Yili pɔ pələ ɓə gwa gɔlɔn na, guɔ gaa gu hu, nwɔ Kilii tii ə dɛɛ gu pɔ ɉáálai.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

M̀ɛni-lɛɛi 14:12

Nu mąąhəɠɛɛɠaai di yee kąnąnŋąą Yálá ŋą tíɓoɠaa diɛ, ɛlɛɛ, da Jesus ŋą laa na laa ɓa, di hvaŋąlɔ yələ ka.

Zɔ̂ŋ Maa-ŋuŋ 5:2

Yili hu ɓə, gwa gbaɠala kɔlɔn na guɔ; Yálá lonnii wɛli kaa guɔ, akɛ, gwa Yálá wɛlila kɛ, guɔ ŋą tíɓoɠaai pɔ yíiɓo.

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Zɔ̂ŋ Maa-ŋuŋ 4:18

Ɲɔw hvo wɛlikɛmąą laa hu. Kɛlaa wɛlikɛmąą laa kpɔ-kpɔɔ a ɲɔw pili bulu, mąąhɔlɔɓo hutɔɔ mɛ̨nį ɓə ɲɔw a kulɔ ɉu, ɛlɛɛ, nui a ɲɔw, mąą mɛ̨nį laa hvo kulɔ li wɛlikɛmąą laa hu.

Mąątɛ̨nɛ̨ 119:146

Gáá ə́ təlii, 'pa kilɛ mą́ą́ ə́ málo! Əgɛ, gɛ́ pɛli lɛɛi ə́ wooɠaa pulu.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

M̀ɛni-lɛɛi 12:17

Niikələn bələ gwəi nɛ̨ɛ̨nui pɔ, gaaləi ə pənə ə li ə kɔ pɛlɛ, nɛ̨ɛ̨nui lon gbəliɠaai lɛɛ laa diɛ, a diɛi tii di yee kąnąnŋąą kɛ Yálá ŋą tíɓoɠaai diɛ, ɛlɛɛ, da Jesus mąą kɛla hvaa.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Zĩi 2:22

Yáá gaa tii, nwɔ laa na laa ə too pono ŋą bɔ túwɔ́ hu. Dúwɔ́ pələɠaa tii ɓə nwɔ laa na laa laa kulɔ,

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Ɉaan 6:56

Nui a ɉúwɔ mįi, ə gbələ a ŋą́mą, ŋą kɛ mąą nu hu, ɛlɛɛ, yaan yɛ ɓo ɉú.

Ikilisiati 8:5

Nui a tɔ́n ɉon, tɔ́n va too mɛ̨i. Kɛlaa, kilimąą mun ə gɔlɔn yɛ, yələ ta kaa pai həlii, Yálá nwɔ kitii kaa pai nwɔ nąą kɛi ɉu.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

Hanwon 8:32

Yiihu, nónnii, ka ka wəli tɔɔ mą́ą́. Ka nwɔ́ liɛwooɠaa hon, ka kɛ a lúwɔ́ lonnii.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Hanwon 28:7

Nui a tɔ́n nwoo hon kilimąą mun ni. Kɛlaa, nui da túwɔ́ pələ ɲɔ̨n gɛ nuą da hiɛ, a nwumɛ̨ tɛ a gaa nąn.

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Zɔ̂ŋ Veerɛi 1:6

ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.