Zɔ̂ŋ Maa-ŋuŋ 2:4 - Yálá laawoo hɛɓɛ (dc)

⁴ Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Yálá laawoo hɛɓɛ

⁴ Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Bible

⁴ Ǹúui a mò nyɛɛ, “Ŋá gɔ́lɔŋ,” kɛ́lɛ, va ŋɔtɔ̂ŋ-ŋai mɛi kâai, gáa a lɛ́ɛ-nuu, dɔ̃yâi fé gbonôi.

Zɔ̂ŋ Maa-ŋuŋ 2:4 Referans Kwoze

Zɔ̂ŋ Maa-ŋuŋ 1:6

Gwa kɛ diɛ gwa Yálá ni gu kaa ɉu tɔnɔ, guɔn, guɔ hiɛ kpini hu, a kɛ ti gu kaa lɛɛ kɛi, ɛlɛɛ, gu hvo tɛ̨ą ɓoi.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

Zɔ̂ŋ Maa-ŋuŋ 2:9

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Zɔ̂ŋ Maa-ŋuŋ 1:10

Akɛ gwa kɛ diɛ, gu hvo a nɛ̨ŋɛ̨n ɉəɠə nuą, akɛ tii gu kaa Yálá kɛi a lɛɛmun, ɛlɛɛ, nwoo hvo gu hu.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Taitɔ 1:10

A tɛ̨ą, nu tamąą kaa laa di hva lɛɛ nwoo mu laa kɛ, gəlee mą kɛ, Ɉuifəɠaai daa kɛ a Kristalɛa, da kɛ nu tamąą ɓowoi a lɛɛ woo kpɛli-kpɛliɠaa.

Zɔ̂ŋ Maa-ŋuŋ 2:3

Ɛlɛɛ, yili ɓə gwa gaa la, guɔ, gu gɔlɔn: akɛ gwa nwɔ tíɓoɠaai pɔ yíiɓo.

Zɔ̂ŋ Maa-ŋuŋ 3:6

Nui lɔpee a kɛ ɉu, hva kɛa nɛ̨ŋɛ̨n ɉəɠə. Nui a nɛ̨ŋɛ̨n ɉəɠə, hva gaa, ɛlɛɛ hva gɔlɔn.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.