Zɔ̂ŋ Maa-ŋuŋ 2:20 - Yálá laawoo hɛɓɛ (dc)

²⁰ Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Yálá laawoo hɛɓɛ

²⁰ Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Bible

²⁰ Kɛ́lɛ, Núu Maa Waai a wulɔ pú káŋûa. Ǹyaŋ ká kélee ká tareɛ̂i zu.

Zɔ̂ŋ Maa-ŋuŋ 2:20 Referans Kwoze

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Zɔ̂ŋ Maa-ŋuŋ 4:13

Yili pɔ pələ ɓə, gwa gbaɠala kɔlɔn na guɔ, gu kaa yaa tii ɉu, ɛlɛɛ, yɛ ɓo gu hu: aa nwɔ Kilii tɛɛ gu pɔ.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Mąątɛ̨nɛ̨ 71:22

Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Hebreu 8:11

Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Korɛntə dɔlɔɔ 2:15

Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Lukə 4:34

Yɛ kɛ mą: «Ee! Jesus Nazarɛtə mun, lə ɓə yɛ ə́ gɛ a kuɔ? Akɛti, ə́ pa kɛa ku nwun na pili mɛ̨nį ɓa li? Ŋą́ ə́ kɔ́lɔn ə́ kaa a Yálá nwɔ tímun.»

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Mąątɛ̨nɛ̨ 16:10

Mąąhɔlɔɓo hvó pai nɛ́ɛ́i ɲɔ̨muątaa yee kon ma, hvá ə́ wɔ tí mun lɛɛ kámą hu.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Levetekɔ 7:35

Aarɔn da nonnii di wɛi ka tii Yai-Laa nwɔ haláá kɔ̨nɔ̨nŋąąi hu, ə həɠə kpɔ ɲələi da di tɔɔ la Yai-Laa nwɔ kólói ɓa, ɉaláá kulɔ mɛ̨nį ɓa.