Zɔ̂ŋ Maa-ŋuŋ 2:14 - Yálá laawoo hɛɓɛ (dc)

¹⁴ Lɛapɛlɛɛ, ŋą́ ɉɛɓɛ́ ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛ́ ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛ́ ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Yálá laawoo hɛɓɛ

¹⁴ Lɛapɛlɛɛ, ŋą́ ɉɛɓɛi ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛi ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛi ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Bible

¹⁴ Ŋa kɔlɔ pɔ̃yɛ kápɔ naa, ńâŋ-ni, kpɛ́ni fêi, ka ǹúui kɔ́lɔŋ kùla gɔ́ɔ pîlanii. Ŋa kɔlɔ pɔ̃yɛ kápɔ naa, ǹyaŋkpa-ŋa, kpɛ́ni fêi, kákponôi kpanaŋɔɔ̂i, Ɣâla ŋɔwóoi kɛ́ ƃo kákponôi, ǹyaŋ ka ŋwana-lɔ̂ɔ-nuui yée mɛi ɣále.

Zɔ̂ŋ Maa-ŋuŋ 2:14 Referans Kwoze

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Zɔ̂ŋ Maa-ŋuŋ 2:13

Nąnni gáá ɉɛɓɛ́ ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛ́ ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Ɉaan 5:38

Nwoo kili hva lɛɛ ka ŋą, mąąhɔlɔɓo, nui Ə dɔɔ, ka hvo mąą mɛ̨nį kaa li a tɛ̨ą.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

Zɔ̂ŋ Zaaƃai 1:3

Bələi tɛ̨ą mɛ̨nį aa too la pono ɲą, ə́ wɔɔ yɛnɛ̨ɛ̨ kɛ pələ hu, gu nąn nonnii taɠaa di pa ɓɛ, di ə́ mąą kɛla hvaa ɓo, yili ə gwə́inɛ̨ɛ̨ kpɔ kɛnɛ̨; ə́ kaa hiɛi tɛ̨ą kɛɛ pono hu.

Zɔ̂ŋ Veerɛi 1:2

dɛ̨ąi gaa gu hu ɉáálai, ɛlɛɛ, yai pai lɛɛi gu pɔ ɲɛ̨n deei hvo mą;

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

Zɔ̂ŋ Maa-ŋuŋ 1:10

Akɛ gwa kɛ diɛ, gu hvo a nɛ̨ŋɛ̨n ɉəɠə nuą, akɛ tii gu kaa Yálá kɛi a lɛɛmun, ɛlɛɛ, nwoo hvo gu hu.

Ɉaan 8:37

Ŋą́ gɔlɔn gbɔ gɛ́ diɛ: Abrahamə huwu ɓaa a kaa, kɛlaa, ka hvilɛn ŋąąi búlú báá mɛ̨nį ɓa; mąąhɔlɔɓo, nwóó wɛli hvo kaa.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,