Zɔ̂ŋ Maa-ŋuŋ 2:13 - Yálá laawoo hɛɓɛ (dc)

¹³ Nąnni gáá ɉɛɓɛ́ ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛ́ ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Yálá laawoo hɛɓɛ

¹³ Nąnni gáá ɉɛɓɛi ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛi ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Bible

¹³ Ŋa kɔlɔ pɔ̃yɛɛ̂i kápɔ naa, ńâŋ-ni, kpɛ́ni fêi, ka ǹúui kɔ́lɔŋ kùla gɔ́ɔ pîlanii. Ŋa kɔlɔ pɔ̃yɛɛ̂i kápɔ naa, ǹyaŋ-kpa-ŋa, kpɛ́ni fêi, káyee a tɛɛ ŋwana-lɔ̂ɔ-nuui ma. Ŋa kɔlɔ pɔ̃yɛ kápɔ naa, nîa-pɛlɛɛ, kpɛ́ni fêi, ka Nàŋ-nuui kɔ́lɔŋ.

Zɔ̂ŋ Maa-ŋuŋ 2:13 Referans Kwoze

Ɉaan 14:7

Akɛ ka gɔ́lɔn ka Ną́n gɔlɔn. Yiihu kɛa kaa Ną́n gɔlɔn, ə lɛɛ, kaa gaa.»

Zɔ̂ŋ Maa-ŋuŋ 2:14

Lɛapɛlɛɛ, ŋą́ ɉɛɓɛ́ ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛ́ ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛ́ ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

Zɔ̂ŋ Maa-ŋuŋ 3:12

Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Maa-ŋuŋ 2:12

Nónii pɛlɛɛɠaa, gáá ɉɛɓɛ́ ŋɛ̨i tɛɛ káá, ká wɔɔ nɛ̨ŋɛ̨nŋaa mąąhvaa aa lɛɛ Jesus laa mąą mɛ̨nį ɓa.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Taitɔ 2:6

Hilɛlɛa liɛwoo kɛ di kɛ a di yee pɛliɛ di kpɔwɔ ɓa mɛ̨nį kəlee hu.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 8:19

Farisiɛ̨ɠaa di mo mą, diɛ mą: «Ə nąn gaa mį?» Jesus yɛ diɛ: «Ka hvo gɔ́lɔ́n, kaa hvo Ną́n gɔlɔn. Ə li kɛ ka gɔ́lɔ́n, kai Ną́n gɔlɔn.»

Maafîu 13:38

Díi ɓaa yɛnɛ̨ɛ̨. Ɉihɛn mąą nuąi a Yálá-taa tɔɔlaa hu nuą. Gala kɔ́w ɲɔ̨nwɔ̨ɔ̨ ɓaa a yiiɠaai di kaa a gbąną-gbąną mun nwɔ nuą.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Hanwon 20:29

Hilɛlɛa mąą hon ɉɛn mąą kpakololaa, hulɔgoloɠaa di wɛi ɓaa, di nwun ɓɔwa.

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Timote dɔlɔɔ 5:1

'Hvó haŋąn nu pɔlɔ-pɔlɔ ɓa a nwumɛ̨ pələ, kɛlaa, pələ ɓo mą, yɛ ə́ nąn. Nu nwunuɠaa hon bələ kɛ yɛ ə́ nąn nonnii.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Mąątɛ̨nɛ̨ 148:12

hilɛlɛa da nɛ̨ɛ̨lɛa kpɛlimąn, nu pɔlɔ-pɔlɔɠaa da lɛapɛlɛɛ;

Maafîu 5:37

Mąąnɛ̨ɛ̨ ka wɔ ‹Ee!› Ə kɛ a ‹Ee›; ka wɔ ‹Kpaa!› Ə kɛ a ‹Kpaa›. Yii kɛa a ɓo mɛ̨nį hveelɛi tii pulu, a kɛ tii yili ə həɠə gbąną mun bɔ.»

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.