Zɔ̂ŋ Maa-ŋuŋ 1:9 - Yálá laawoo hɛɓɛ (dc)

⁹ Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Yálá laawoo hɛɓɛ

⁹ Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Bible

⁹ À kɛ̀ kwa kúsɔnyɔ̂ŋ-ŋai ƃo, gɛ̀ ní deniŋ m̀ôɔi, zɔŋ lɛ́lɛɛi, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 1:9 Referans Kwoze

Mąątɛ̨nɛ̨ 32:5

Ŋą́ą́ hvaa ɉɔn ma ə́ ɲɛ̨i ɓa, və́ nwɔ́ nɛ̨ŋɛ̨n loo li yɛ́, ŋą́ kɛ diɛ: «Gáá hvaai ɉɔ́n ma Ną́mu ɲɛ̨i ɓa», ɛlɛɛ, yɛ́n, yáá nwɔ́ nɛ̨ŋɛ̨n nwuɛ həɠə nwúɔ̨.

Hanwon 28:13

Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Hebreu 10:23

Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Gɛlaɠaa 19:18

Nuą ti kɛ a laa na nuą, damąą di kɛi pa, mɛ̨nįi kpɔ daa gɛ, diɛ mo nu kpɔn ɉu.

Markə 1:5

Ɉude lɔi hu nuą, da Ɉerusalɛmə daai nuą di kɛi pa Ɉaan pɔ diɛ hvaa di kɛ nɛ̨ŋɛ̨ ma nu kəlee ɲɛ̨i ɓa. Ɉaan yɛ di mąąwaa Ɉurdɛn yá hu.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Mąątɛ̨nɛ̨ 19:12

Ə́ wɔ tímun yaa kpinįį a kili hɔlɔɓo ɉu, a ɲee kanąn a mo mą, a tɔ̨nɔ̨ hɔlɔɓo ɉu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Woolaa 3:23

Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Hebreu 11:11

Laa na laa háálai ɓə gɛ, Sara yaa kpɛlimąn, bələi mąn bɔlɔɔ kɛ la, ə lon ɉɔlɔɓo, mąąhɔlɔɓo, nui mɛ̨nį laakwɛlanmo diɛ, ə laa na, yɛ, a kulɔ nwoo ɓa.

Maafîu 3:6

Diɛ hvaa di kɛ nɛ̨ŋɛ̨n ma nu kəlee ɲɛ̨i ɓa, Ɉaan yɛ di mąąwaa Ɉurdɛn yá hu.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉaan 17:25

Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Lukə 22:57

Kɛlaa, Piɛrə ə lənə mą, yɛ mą: «Nɛ̨ɛ̨nu, və́ ɉulɔnui tii kɔ́lɔn.»