Zɔ̂ŋ Maa-ŋuŋ 1:2 - Yálá laawoo hɛɓɛ (dc)

² gbala ə tɔɔ yɛnɛ̨ɛ̨ ə too pono ɲą, ɛlɛɛ, ku gaa, ɛlɛɛ, kuɔ mąą kɛla hvaaɓo, ɛlɛɛ, kuɔ yɛnɛ̨ɛ̨ hva kpɛɛ laa həli káá, a yai kɛ ɲɛ̨i tínɛ̨nŋąą Nąn bɔ pələ ɛlɛɛ, ə gbɔwɔ lɛ kuɔ,

Yálá laawoo hɛɓɛ

² gbala ə tɔɔ yɛnɛ̨ɛ̨ ə too pono ɲą, ɛlɛɛ, ku gaa, ɛlɛɛ, kuɔ mąą kɛla hvaaɓo, ɛlɛɛ, kuɔ yɛnɛ̨ɛ̨ hva kpɛɛ laa həli káá, a yai kɛ ɲɛ̨i tínɛ̨nŋąą Nąn bɔ pələ ɛlɛɛ, ə gbɔwɔ lɛ kuɔ,

Bible

² Vúlu-laa è lɛ̀ kûa, kú gáa. Kwa m̀aa-sere-faa kɛ̀, kú ŋwɔlɔ-wɔlɔ fulu-laai mɛni ƃó kâa, nyíi kɛ̀ Nàŋ-nuui pɔ́ naa, ǹyaŋ è ǹɛ kûai,

Zɔ̂ŋ Maa-ŋuŋ 1:2 Referans Kwoze

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Ɉaan 1:4

Nwoo tii ɓə yɛnɛ̨ɛ̨ kpɛɛ hvo mą kaa ɉu, ɲiipoo tii ɓə a nuą di wɔ kɛɛ pono.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Zɔ̂ŋ Maa-ŋuŋ 5:11

Gɛla hvaa tii ka: Yálá aa yɛnɛ̨ɛ̨ hva kpɛɛ tɛɛ gu pɔ, ɛlɛɛ, ɲɛnɛ̨ɛ̨ tii kaa Non ɉu.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Timote veelɛ 1:10

ya ka, aa too pono ɲą yiihu, gu ɓalomun Jesus Kristə háálai. Ya ɓə haa hukala, ɛlɛɛ, ə ɓalo hva kpɛɛ yɛnɛ̨ɛ̨ lən gu mɛ̨i, nwɛlɛɛ lɛlɛɛ háálai,

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Gɛlaɠaa 10:41

hvo kɛ gbɔwɔ lɛ li nɔi nuą kəlee diɛ, kɛlaa, gɛlaɠaai Yálá ə gbɛa di həɠə ɉu diɛ ɓə, a kuɔi ŋɛ̨i, nwunŋąa pulu kwa diɛni ku kɔ̨nɔ̨n mįi gee ɓa, ku ku kpələ.

Gɛlaɠaa 5:32

Ku kaa a mɛ̨nįɠaa ti kəlee mąą kɛla, kuɔ, kwa Kili-Mąąhəɠɛɛ ti Yálá ə dɛɛ nuąi lɛɛ woo mu, di pɔ.»

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Gɛlaɠaa 1:22

ə gɔwɔ tɔɔ ɓɛlɔwai Ɉaan mąąwaa la, ə həli la ɓɛlɔwai ə tɛ la yələkɔlɔn ɉu, mą, hvo kɛli nu ta ə hɔlɔɓo nuą ti lɔwai, ə too gu pɔ, ə kɛ a Jesus nwun mɛ̨nį mąą kɛla ta.»

Ɉaan 21:14

Ə həɠə Jesus nwun ŋąą ɓa haaɓɛlaa lɔwai, gɛɛ gbɔwɔ lɛi nwɔ kalan nɛa diɛ ɉaaɓa nąą ka ti, yɛ gbɔwɔ lɛ nwɔ kalan nɛai diɛ.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 16:28

Ŋą́ həɠə Ną́n bɔ gɛ́ pa yɛnɛ̨ɛ̨, ya ka tii nwɔ̨nɔ̨ gáá həɠəi yɛnɛ̨ɛ̨ gɛ́ li Ną́n bɔ.»

Ɉaan 8:38

Yii ŋą́ mɛ̨n Ną́n na, ya ɓə gáá moi kaa, Yii kaa kpɛli ka mɛ̨n ka nąn na, ya ɓə ka káá gɛi.»

Ɉaan 7:29

Nwɛ́i ŋį́ gɔlɔn, mąąhɔlɔɓo, ŋą həɠə bɔɔli, ɛlɛɛ, ya ɓə dɔ́ɔ́.»

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Ɉaan 10:28

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɉaan 19:35

Nui mɛ̨nįi ŋɛ̨i nąą kaa, ya ɓə mąą kɛla hvaa ɓoi; mɛ̨nįi tii yaan ə mo, gaa a tɛ̨ą. Ə gɔlɔn yɛ tɛ̨ą ka tii ə mo, ya ɓə a gɛ kaa kpɛli ka laa na.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zɔ̂ŋ Maa-ŋuŋ 4:2

Bələi ká pɛli Yálá nwɔ Kilii kɔlɔn ɉii la, bələ ka: nui lɔpee a kɛ diɛ, Jesus Kristə ə gbɔwɔ kɛ a nu, gaa a Yálá nwɛi ta,

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zɔ̂ŋ Maa-ŋuŋ 5:13

Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.