Zɔ̂ŋ Maa-ŋuŋ 1:10 - Yálá laawoo hɛɓɛ (dc)

¹⁰ Akɛ gwa kɛ diɛ, gu hvo a nɛ̨ŋɛ̨n ɉəɠə nuą, akɛ tii gu kaa Yálá kɛi a lɛɛmun, ɛlɛɛ, nwoo hvo gu hu.

Yálá laawoo hɛɓɛ

¹⁰ Akɛ gwa kɛ diɛ, gu hvo a nɛ̨ŋɛ̨n ɉəɠə nuą, akɛ tii gu kaa Yálá kɛi a lɛɛmun, ɛlɛɛ, nwoo hvo gu hu.

Bible

¹⁰ À kɛ̀ kwa mo a gɛɛ kúfe niî sɔnyɔ̂ŋ kɛ́ ní, gɛ̀ ní kwa gɛ̂i a lɛɛ-nuu, ǹyaŋ wóoi fé kúkponôi.

Zɔ̂ŋ Maa-ŋuŋ 1:10 Referans Kwoze

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Zɔ̂ŋ Maa-ŋuŋ 5:10

Nui a laa Yálá Lon na, gɛla hvaa tii kaa mąą nu kpinį hu. Nui a wala laa Yálá la, aa gɛ a lɛɛmun, mąąhɔlɔɓo, gɛla hvaai ɓo, hvo laa li na, yai Yálá ə mo Non mąą manį hui.

Zɔ̂ŋ Maa-ŋuŋ 2:4

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Zɔ̂ŋ Veerɛi 1:2

dɛ̨ąi gaa gu hu ɉáálai, ɛlɛɛ, yai pai lɛɛi gu pɔ ɲɛ̨n deei hvo mą;

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Zɔ̂ŋ Maa-ŋuŋ 2:14

Lɛapɛlɛɛ, ŋą́ ɉɛɓɛ́ ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛ́ ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛ́ ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Zôo 24:25

Bələ lɔ ɓə yɛnɛ̨ɛ̨ mɛ̨nį a kɛ la, gbɛɛ ɓə a pɛli da kpɛli ɓoi, gbɛɛ ɓə a pɛli nwóó lɛɛ a kpɛli?

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.