Korɛntə dɔlɔɔ 9:4 - Yálá laawoo hɛɓɛ (dc)

⁴ Kuɔ kpɛli, ku hva mɔ̨ɔ̨ pɛli ku kɔ̨nɔ̨n ɉɔlɔɓoi, ku hvo ku kpələ?

Yálá laawoo hɛɓɛ

⁴ Kuɔ kpɛli, ku hva mɔ̨ɔ̨ pɛli ku kɔ̨nɔ̨n ɉɔlɔɓoi, ku hvo ku kpələ?

Bible

⁴ Ve a sɛŋ a gɛ́ɛ ku mii-sɛŋ sɔlɔ ƃó da kpele-sɛŋ?

Korɛntə dɔlɔɔ 9:4 Referans Kwoze

Tɛsalonikə dɔlɔɔ 2:6

Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Lukə 10:7

Ka lɛɛ mąą pɛlɛi tii mu, kɔ̨nɔ̨n nɔpee da tɛɛ ka pɔ, ka mį́į́; kpələ-yai lɔpee da dɛɛ ka pɔ, ka gbələ. Mąąhɔlɔɓo, koló kɛmun mąąnɛ̨ɛ̨ ə gɔ̨nɔ̨n ɉɔlɔɓo. Pɛlɛi ka lɔ mu, ka hvo kulɔ laa, kaa hvo lɔ dakpɛli mu.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Maafîu 10:10

'Ka hvo hiɛ kulɔ ɓíi həɠə, ka hvo həɠə hveelɛ həɠə, ə mą kɛ, kɔ́lɔ, da hiɛ tunwɔ̨n. Mąąhɔlɔɓo, koló kɛmun mąąnɛ̨ɛ̨ ə gɔ̨nɔ̨n ɉɔlɔɓo.

Gɛlaɠaa 20:33

Ɲɛ̨́i hvo kɛ kulɔ li, wali pɔ, hɛni pɔ, ə mą kɛ, nu nwɔ həɠə.

Korɛntə dɔlɔɔ 9:3

Nuąi da kɛ náá pələ ɲɔ̨nwɔ ɓoi, pələi ŋą́ mą́ą́kɔ̨nwɔ̨ la di yəi bələ ka:

Levetekɔ 22:7

Hvóló a too kɛa, mąą nu mąą a həɠə, a pɛli mą ɉaláá kɔ̨nɔ̨n da mįi nąąlɔwai, mąąhɔlɔɓo, gɔ̨nɔ̨n ni.