Korɛntə dɔlɔɔ 9:27 - Yálá laawoo hɛɓɛ (dc)

²⁷ Kɛlaa yaamun, gáá gɔ́lɔ́ laa nɔ̨nwɔ̨ ɓoi, ŋą́ ɉon yɛ luwɔ, ə gɛ, və́ pa kúlaa laa kɛ nwɛlɛɛ lɛlɛɛ laa həliɛ hu, ɲąąkpɛɛi di hvo náá kulɔ ɉu.

Yálá laawoo hɛɓɛ

²⁷ Kɛlaa yaamun, gáá gɔ́lɔ́ laa nɔ̨nwɔ̨ ɓoi, ŋą́ ɉon yɛ luwɔ, ə gɛ, və́ pa kúlaa laa kɛ nwɛlɛɛ lɛlɛɛ laa həliɛ hu, ɲąąkpɛɛi di hvo náá kulɔ ɉu.

Bible

²⁷ Ŋa ŋ́gbono lòkwa ŋá gɛ́ a ŋáluɛ a gɛ́ɛ tãi ŋa Ɣâla-woo ƃò la nûa dîai, Ɣâla fé ńyee kùla ḿû.

Korɛntə dɔlɔɔ 9:27 Referans Kwoze

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Korɛntə dɔlɔɔ 9:25

Pə́lə́ lɔpee gəlee kɛ nuą da tɔn naa di kpɔwɔ ɓa. Kɛlaa di wɛi, hɛn yii a kala, ya ɓə da mąą gilɛ həɠə, gu wɛi, gaa a yii hva kala.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Korɛntə dɔlɔɔ 8:13

Yili ɓə gɛ, a kɛ ŋą́ kɔ̨nɔ̨n da mįi a kɛ a mɛ́lan lan ɉɛn,, vá kpɔ kɛa huwɔ mįi, ə gɛ, və́ pa mɛ́lan nan.

Lukə 9:25

Nu a yɛnɛ̨ɛ̨ hɛnŋąa kəlee hɔlɔɓo, ə haa, yili dɔ̨nɔ̨ ɓaa a lə?

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Korɛntə veelɛ 11:27

Hvįikpɛɛ da mɔ̨nɔ̨, yíi kpəlin damąą, pulu, kwaną kpala, hín nɔɔ tamąą, kwɛ́lɛ́, da tənə;

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Ɉeremi 6:30

Di kaa pai kɛi nuą tii laa ɓaa: «Walə kwɛli yii mɛlɛ hvo mą.» Yai-Laa hvó di pɔ. Gwɛli gbo hvo gɛi hvo kulɔ mą.

Mąątɛ̨nɛ̨ 50:16

Kɛlaa nui a mɛ̨nį ɲɔ̨n gɛ mun, Yálá a kɛ mą: «Yá kɛ nwɔ́ tiɓoɠaai ɓoi lə mɛ̨nį ɓa? Nwɔ́ mįnɛ̨i mąą lono ə ɓo ə́ la, lə mɛ̨nį ɓa?

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Lukə 18:5

Kɛlaa, hvo kɛli ŋą nɛ̨ɛ̨nui ŋɛ̨i nwɔ mɛ̨nįi ŋɛ̨i ta ɓo, əgɛ, ŋą ɉəɠə búlú, ŋą gbɔ́ɔ́ ɓa hee ɓo, hvo pa kɛ lɔ pai yɛ vįikpɛɛ.›»

Lɛɛ gbɔwɔ ɓa 37:22

Gbini, gɔnŋąą da gbulɔnŋąą kəlee, di di pu lɔ tanɔ̨n a hɛni huwaa hva-hva.