Korɛntə dɔlɔɔ 9:19 - Yálá laawoo hɛɓɛ (dc)

¹⁹ Və́ nu ta yee mu, lɛɛ gbɔwɔ ɓa laa kaa ɲə́i, kɛlaa, ŋą́ gbɔ́wɔ́ kɛ a nu kəlee nwɔ luwɔ, ə gɛ, ŋą́ nu tamąą hɔlɔɓo.

Yálá laawoo hɛɓɛ

¹⁹ Və́ nu ta yee mu, lɛɛ gbɔwɔ ɓa laa kaa ɲə́i, kɛlaa, ŋą́ gbɔ́wɔ́ kɛ a nu kəlee nwɔ luwɔ, ə gɛ, ŋą́ nu tamąą hɔlɔɓo.

Bible

¹⁹ Kpɛ́ni fêi, berei máŋ ŋ́uŋ-ma ƃóɔi la ǹúui kélee yêei, ŋa ŋ́gbîŋ kɛ́ a luɛ núu kélee mɛni ma a gɛ́ɛ ŋa núu támaa líi pene.

Korɛntə dɔlɔɔ 9:19 Referans Kwoze

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Maafîu 18:15

«Akɛ nu ta a mɛ̨nį ta kɛ a yɛ́, li ə́ mo mą ka nu hveelɛ kɛɛnáá. A ɉɔn gɔlɔn, ə nɛ̨ɛ̨mąą hvə, akɛ tii yáá ə́ ɓɛlan ɉɔlɔɓo.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Korɛntə dɔlɔɔ 9:1

Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Lomaŋ 1:14

Gwələi kaa mą́ą́, ya ɓaa ŋį́ Yálá lawoo laa həli nu kəlee ɓa; nu ə kɛ a yíi lɔwɛi mun, ə mą kɛ a taalee hu ɓomun. Nu ə kɛ a mɛ̨nį kɔ́lɔn mun, ə mą kɛ a nui hvo mɛ̨nį kɔ́lɔn.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Korɛntə dɔlɔɔ 7:16

Yili ɓa nɛ̨ɛ̨nu, ə́ kili hvo ɉu yɛ́ kɛ, yɛ́ ɓə pai ə́ hilɛ nwun mąąɓoi? Hulɔnu, ə́ kili hvo ɉu yɛ́ kɛ, yɛ́ ɓə pai ə́ nɛ̨ą nwun mąąɓoi?

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Korɛntə dɔlɔɔ 10:29

Ká kwəi kili hvə gáá nwɛi ɓoi, kɛlaa, nu takpɛli nwɛi ɓə. Yili ɓa, lə mɛ̨nį ɓa ŋą́ nwɔ́ lɛɛ gbɔwɔlaa lɛɛ laa nu takpɛli yɛ ɉutɔɔ?

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Korɛntə veelɛ 12:14

Ŋą́ą́ gbɔ́wɔ́ pɛli yiihu, bá mɛ̨nį ɓa ká pɔɔli, a ɉaaɓanąn, ɛlɛɛ, və́ pai kɛi ka nwuɔ̨ a tiɛ̨. Mąąhɔlɔɓo, ká yəi hɛn vəi gáá gwɛlii, kɛlaa ká kpinį lee ɓə gáá bɔ. Lɛapɛlɛɛ hvəə da hɛnŋąa laaikɛ di kaa nuą mąą mɛ̨nį ɓa; kɛlaa, lon gaa nuą ɓə da di lonnii tɔwɔ hee.