Korɛntə dɔlɔɔ 8:10 - Yálá laawoo hɛɓɛ (dc)

¹⁰ Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Yálá laawoo hɛɓɛ

¹⁰ Kɛlaa, yɛ́i mɛ̨nįi ti dɛ̨ą kɔlɔn, da ə́ kaa heeni hali kɔi, yɛ́ nąą hɛn mįi, yili hva kɛ a nuąi di hvįikpɛɛ di lan ɉɛn?

Bible

¹⁰ Kpɛ́ni fêi, à kɛ̀ núu da à íkàa ílaa mii teƃele ma ɣâla-pɔɔkɔŋ ŋɔpɛ́rɛi mu, yái íkaa a táre-nuui, à kɛ̀ maa-nuui ti ŋɔkili-ŋa-siai fii kpɛɛ̂i, gɛ̀ ní ǹíi fe pâi kpelêi a gɛ́ɛ e mii-sɛŋ mii nyíi da gula a sâla ŋâla-pɔɔkɔ̂ŋ-ŋai diai?

Korɛntə dɔlɔɔ 8:10 Referans Kwoze

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Lomaŋ 14:23

Kɛlaa, nu a kɛi kɔ̨nɔ̨n mįi, ɲinɛ̨-ɲinɛ̨n ə ɓo ɉu, hɔnmąąmun ni, mąąhɔlɔɓo, hvo gɛi a ə́ kwəi kwɛlɛɛ laa na laa hu. Yaan, mɛ̨nįi hvó gɛi a ə́ kwəi kwɛlɛɛ laa na la hu, nɛ̨ŋɛ̨n ni.

Korɛntə dɔlɔɔ 8:7

Kɛlaa, nu kəlee hvə dɛ̨ą tii kɔ́lɔn. Nu taɠaa daa kulɔ hali yíi hu a nįnɛ̨, bɔɔ ə ɓo ni diɛ, da kɛi ɉuwɔɠaa tii mįi, da kɛ gaai yɛ hali kɔ́ hɛn gbɔ-kpɔ, di wɔɔ kiliŋąhiɛ hvįikpɛɛ pələ, diɛ kɛ gɔ̨nɔ̨n tii a kɛ di mąąliɓii.

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Nwun mąąɓo 9:27

Sisɛmə nuą də li di yəi viɲə yɛaɠaa ɓa, di ma kulɔ, də li di bɛli a lɔɔ, di hɛli kɛnɛ̨ ta pu la, də li di wɔ haliɠaai hee pɛlɛ́ mu, di di laa mįi, di di kpələ, yili pulu, diɛ Abimelɛkə nɛ̨ŋɛ̨n naa.

Lonon mo 25:2

Moabə nɛ̨ɛ̨lɛa di kɛi Israɛlə lonnii təli di wɔ haliɠaai kɔ́ halááɠaa diɛ, diɛ di laa mįi laa; diɛ kwɛli hvilɛn nɛ̨ąąi tii di wɔ haliɠaai diɛ.

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Korɛntə dɔlɔɔ 8:9

Kɛlaa, ka gɛ a nɛlɛɛ, nɛɛ gbɔwɔ ɓa laai tii ka yəi, yili hvo kɛ a ká ɓɛlaai di hvii kpɛɛ, di lan ɉɛn.