Korɛntə dɔlɔɔ 7:35 - Yálá laawoo hɛɓɛ (dc)

³⁵ Mɛ̨ni ŋɛ̨i gáá moi káá, gaa moi a ka wɔ mɛ̨nį lɛlɛɛ, kɛlaa, və́ moi a kɛ a ka kpaan mɛ̨nį. Gáá lɔ bɔ nu kəlee ə nwɔ yɛnɛ̨ɛ̨ kɛ a ɲąąnɛ̨ɛ̨, ganąn ŋąą Yálá ɓa.

Yálá laawoo hɛɓɛ

³⁵ Mɛ̨ni ŋɛ̨i gáá moi káá, gaa moi a ka wɔ mɛ̨nį lɛlɛɛ, kɛlaa, və́ moi a kɛ a ka kpaan mɛ̨nį. Gáá lɔ bɔ nu kəlee ə nwɔ yɛnɛ̨ɛ̨ kɛ a ɲąąnɛ̨ɛ̨, ganąn ŋąą Yálá ɓa.

Bible

³⁵ Ŋa nyíŋi ƃôi nɔ́ kákpɔŋ-maa mɛni ma. Fe môi a gɛ́ɛ ŋá mɛni-kpanaŋ láa káyêei. Kɛ́lɛ, mɛnii nyíi zã́âi, nya ƃe ŋa môi kâa, a gɛ́ɛ káfe kákili-kɛ-maai ŋá kɔlɛ Kúnuu-namui ŋɔtíi su.

Korɛntə dɔlɔɔ 7:35 Referans Kwoze

Korɛntə dɔlɔɔ 7:36

Akɛ hilɔnu ta a wɛli hon, a gaa yɛ hvo pai pɛli ŋą wɛlii ɓɛlɛ lɔi, a pɛli ə nɛɛ laa, hvo nɛ̨ŋɛ̨n ɉəɠə li, ə gɛ yɛ bələi ə giliŋąhiɛ la; nu hveelɛi, da pɛli di dakpɛliɠaa həɠə.

Lukə 8:14

Ɉihɛn ɉuwu yii ŋɛ̨i too ɲɔw ɲąąlən ɉu, yili kaa yɛ: nuą yiiɠaai da Yálá laawoo mɛ̨n, da kulɔ tɔwɔ pələ, liihɛlɛn damąą ə too diɛ, yɛ pələi: hɛn gɔw kɛnɛ̨ hɔlɔɓo liihɛlɛn, di kpɔɔ liiɓa kɛ liihɛlɛn ə too diɛ kɛnɛ̨, ə tɛɛ mɛ̨nį kəlee ɓa. Mɛ̨nįɠaa tii kəlee a kpinįn a diɛ, di too, di ɓa yɛ ɓo a vəlee.

Filipə 4:8

Yili ɓa, ną́n nonnii, mɛ̨nįi lɔpee a tɛ̨ą, a kaa-lon-naa, ɉaŋąą, bɛliɛ ɉu, nu yɛ pɛli nwɛli la kɛi, diɛ mąąwiɛ, yii kpɔ mɛlɛ kaa mą, yii kpɔ mąątɛ̨nɛ̨ kaa mą, 'ká yili kəlee kɛ, a ká nwɔɔ mąątíi.

Korɛntə dɔlɔɔ 7:2

Kɛlaa, ə gɛ, túwɔ́ pələ ɲɔ̨n hvo kɛ, hulɔnu nɛ̨ą ə kɛ tanɔ̨n, ɛlɛɛ, nɛ̨ɛ̨nu ɉilɛ ə kɛ tanɔ̨n.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Maafîu 19:12

Mąąhɔlɔɓo, mɛ̨nįi a gɛ nu tamąą di hva nɛ̨ą hee nwun damąąi. Da daɠaa kaa, hulɔnu laa hva kɛ di yəi, daɠaa diɛn, nuą ɓə da hulɔnu laa kulɔ di yəi, daɠaa nwɔ̨nɔ̨, di hva gɛ di hvo nɛ̨ą hee Yálá-taa tɔɔlaa mąą mɛ̨nį ɓa. Nui a pɛli niɛwoo ŋɛ̨i hon ɉi, ə ɉon.»

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Korɛntə dɔlɔɔ 7:28

Kɛlaa, akɛ yá nɛ̨ą həɠə a wala kɛ tii, yá hilɛ həɠə, hvo nɛ̨ŋɛ̨n ɉəɠə li. Kɛlaa, nuą yiiɠaai nɛ̨ą kaa diɛ, a wala kɛ tii, hilɛ yɛ ɓo diɛ; mɔ̨nɔ̨ tamąą ɓə da mįi di yɛnɛ̨ɛ̨ hu, ŋą́ kɛ bɔ yili ə hvoló káá.

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Maafîu 22:15

Farisiɛ̨ɠaa dɛ li di di nwun dɔɔ a pələi kpɔ da tɛɛ la di Jesus hon vaa woo hu.