Korɛntə dɔlɔɔ 7:25 - Yálá laawoo hɛɓɛ (dc)

²⁵ Yii hvilɛn na mąąɲąŋąąɠaa diɛ, gu Nąmu hvo dí li a mɛ̨nį ta, kɛlaa, nwɔ́ giliŋąhiɛ ka ŋɛ̨i gáá nɛi, yɛ nui gu Ną́mu nwɔ ɲɛ̨imąąwɛli kaa háálai, nuą da di kilitɔɔ mą, nwoo.

Yálá laawoo hɛɓɛ

²⁵ Yii hvilɛn na mąąɲąŋąąɠaa diɛ, gu Nąmu hvo dí li a mɛ̨nį ta, kɛlaa, nwɔ́ giliŋąhiɛ ka ŋɛ̨i gáá nɛi, yɛ nui gu Ną́mu nwɔ ɲɛ̨imąąwɛli kaa háálai, nuą da di kilitɔɔ mą, nwoo.

Bible

²⁵ Káai a gòyaŋ-ŋai, mɛni da fe ńa ŋá m̀ó káa é kúla Kúnuu-namui lá, kɛ́lɛ, ŋa ŋ́gbîŋ-tarei lɛ̂i káa yɛ̂ɛ ǹúui zã́âi Kúnuu-namui ŋɔmaloŋ-kaai sui.

Korɛntə dɔlɔɔ 7:25 Referans Kwoze

Korɛntə dɔlɔɔ 7:6

Ŋą́ kɛi mo tii, nwɔ́ kiliŋąhiɛ li, kɛlaa, və́ ká tíi la.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə dɔlɔɔ 7:40

Kɛlaa yaamun, yɛ bələi nwɔ kiliŋąhiɛ kaa la, a lɛɛ gbɔwɔ ɓa, a kɛ nɛ̨ɛ̨ hu. Ɲą́ą́ gbɛli, náái na gɛ́, Yálá nwɔ Kilii ka ɲəi.

Korɛntə dɔlɔɔ 7:12

Yii ŋɛ̨i nwɔ̨nɔ̨ gáá moi, gbɔ́ɔ́ kpįnįi woo li, və́ ɉəɠə li gu Ną́mu la, akɛ kalan non da, nɛ̨ą a wala kɛ a laa na mun, nɛ̨ɛ̨nu a gaa yɛ da ɉulɔnu di kaa lɛɛi di kee ɓa, mąą hvo nɛ̨ɛ̨li ɉulɔnu hvo nɛ̨ą kpɛ.

Korɛntə veelɛ 11:17

Mɛ̨nįi gáá pai moi, və́ moi gu Nąmu nwɛi hu pələ, kɛlaa, yɛ a kɛ a ɓowo mɛ̨nį, gílaa ponoɔ, mɛ̨nįi gáá nwún dɛi la, ɉu.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 7:34

A kɛ tii kɛa, nwɔ kiliŋąhiɛ a kɛ pələ hveelɛ. Bələ lɔ ɓə gaa la, nɛ̨ɛ̨nui hilɛ hvo mą, da mąąɲąŋąą, da di liihɛlɛn a gu Nąmu mąą mɛ̨nį, ə gɛ, di mąą ə kɛ a ɉəɠɛɛ di kɔlɔ ɓa, da di lii hu pələ. Kɛlaa, nɛ̨ɛ̨nui hilɛ kaa mą, a niihɛlɛn a yɛnɛ̨ɛ̨ mɛ̨nįɠaa, ə gɛ, ə ɉilɛ liiɓa kɛ.

Korɛntə dɔlɔɔ 7:28

Kɛlaa, akɛ yá nɛ̨ą həɠə a wala kɛ tii, yá hilɛ həɠə, hvo nɛ̨ŋɛ̨n ɉəɠə li. Kɛlaa, nuą yiiɠaai nɛ̨ą kaa diɛ, a wala kɛ tii, hilɛ yɛ ɓo diɛ; mɔ̨nɔ̨ tamąą ɓə da mįi di yɛnɛ̨ɛ̨ hu, ŋą́ kɛ bɔ yili ə hvoló káá.

Korɛntə dɔlɔɔ 7:10

Nuąi di hvo a kwɛaɠaa, diɛ ɓə gáá mɛ̨nį ŋɛ̨i moi diɛ, kɛlaa gbɔ́ɔ́ woo hvə li, gu Ną́mu woo li. Gɛ́ diɛ: Nɛ̨ɛ̨nu yii hilɛ kaa mą, hvo ɉilɛ lɛɛ.

Mąątɛ̨nɛ̨ 78:63

Nwɔ̨n ə ɉilɛlɛa kələn, nɛ̨ɛ̨lɛa di wɛi, di hvo hilɛtai wələ too di mɛ̨i.