Korɛntə dɔlɔɔ 7:19 - Yálá laawoo hɛɓɛ (dc)

¹⁹ Kɛ́nɛ̨ lon naa da kɛ́nɛ̨ kpoloa laa di hvo a mɛ̨nį ta, yii nwalawala ya ɓaa: Nu ə Yálá nwɔ tɔ́n nwooi pɔ mɛ̨nį kɛ.

Yálá laawoo hɛɓɛ

¹⁹ Kɛ́nɛ̨ lon naa da kɛ́nɛ̨ kpoloa laa di hvo a mɛ̨nį ta, yii nwalawala ya ɓaa: Nu ə Yálá nwɔ tɔ́n nwooi pɔ mɛ̨nį kɛ.

Bible

¹⁹ Kpɛ́ni fêi, núu kɛ́ɛ a gbɛ́tɛɛ, kpaa máŋ, núu kɛ́ɛ ve kpɛtɛ ni, ve a mɛni da, kɛ́lɛ, fɛ̂ɛ Ɣâla ŋɔtɔ̂ŋ-ŋai mɛi káa.

Korɛntə dɔlɔɔ 7:19 Referans Kwoze

Galatə 6:15

Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Korɛntə dɔlɔɔ 8:8

Yaan kɔ̨nɔ̨n və a gu mąą lɛɠɛ Yálá ɓa, gu mįi-o, gu hvo mįi-o, hva gu lɛɛ pulu, hva gu tɛ tɔwɔ.

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Zasua 5:5

Yaan, nuąi kpɔ kulɔ Eziptə lɔi hu, gəlee di kɛ a kɛ́nɛ̨ lonnii. Yili pulu, nu kanŋaai di di hɔlɔɓo bələ pɔ, di kulaa Eziptə, di hvo ni kɛ yiliɠaa hee li kɛ́nɛ̨ ɓa.