Korɛntə dɔlɔɔ 6:8 - Yálá laawoo hɛɓɛ (dc)

⁸ Kɛlaa yaamun mə ká yee laa hulu mɛ̨nį hu, da nuą mąą kpoloon mɛ̨nį, yá pa, diɛ ɓo a ká nąn nonnii.

Yálá laawoo hɛɓɛ

⁸ Kɛlaa yaamun mə ká yee laa hulu mɛ̨nį hu, da nuą mąą kpoloon mɛ̨nį, yá pa, diɛ ɓo a ká nąn nonnii.

Bible

⁸ Kɛ́lɛ, káa kpîŋ ka lɛ́ɛ-mɛni ƃò a nûa láa kakɛ wôya kɛ̀ a dia, kakɛ máŋ gɛ a káa kpîŋ káƃarâa.

Korɛntə dɔlɔɔ 6:8 Referans Kwoze

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Kolosə 3:25

Kɛlaa, nu a túwɔ́ a ɲɔ̨nwɔ̨ɔ̨, a vɛla hɔlɔɓo yɛ bələi ə túwɔ́ la, mąąhɔlɔɓo, hu yɛɠɛɓo hvo ɉu.

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Markə 10:19

Ə́ Yálá nwɔ tɔ́n kɔ́lɔn. Yaai a kɛ mą: ‹Ho nu paa; hvo wɛli hon; hvo nwuɔ̨ kɛ; hvo kɛla hvaa ɲɔ̨nwɔ̨ɔ̨ ɓo a nu ta laa; hvo hɛn ɉəɠə nui lɔpee ta yəi a hvulu; ə́ nąn da ə́ lee di mąąwiɛ.›»

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Maafîu 20:13

Kɛlaa, góló nąmu ə mo dɔ̨nɔ̨ ɓa yɛ mą: ‹Náwəi! Və́ kɛ ə́ hulu li. Gu pɛli kɛ ɉu, gɛ yɛ́, ŋą hvóló tɔ̨nɔ̨ wali tɛɛ ə́ pɔ a wali kwələ tɔ̨nɔ̨, hvo kɛ tii?