Korɛntə dɔlɔɔ 6:12 - Yálá laawoo hɛɓɛ (dc)

¹² «Mɛ̨nį kəlee mąą laa kaa ɲə́i», kɛlaa gəlee hva mą́ą́ hon. «Mɛ̨nį kəlee mąą laa kaa ɲə́i», kɛlaa, vá pɛli gbɔ́wɔ́ kɛi a hɛn da ŋą luwɔ.

Yálá laawoo hɛɓɛ

¹² «Mɛ̨nį kəlee mąą laa kaa ɲə́i», kɛlaa gəlee hva mą́ą́ hon. «Mɛ̨nį kəlee mąą laa kaa ɲə́i», kɛlaa, vá pɛli gbɔ́wɔ́ kɛi a hɛn da ŋą luwɔ.

Bible

¹² “Ŋa pɔ̂ri mɛni kélee kɛ̂i,” kɛ́lɛ, mɛni kélee fe kpɔŋ-maa káa zu. “Ŋa pɔ̂ri mɛni kélee kɛ̂i,” kɛ́lɛ, fa pɔ̂ri ŋ́gbîŋ kɛ̂i a luɛ mɛni da kélee mu.

Korɛntə dɔlɔɔ 6:12 Referans Kwoze

Korɛntə dɔlɔɔ 9:27

Kɛlaa yaamun, gáá gɔ́lɔ́ laa nɔ̨nwɔ̨ ɓoi, ŋą́ ɉon yɛ luwɔ, ə gɛ, və́ pa kúlaa laa kɛ nwɛlɛɛ lɛlɛɛ laa həliɛ hu, ɲąąkpɛɛi di hvo náá kulɔ ɉu.

Tɛsalonikə veelɛ 3:9

Yili mąą laa kaa ku yəi, kɛlaa, ku kɛ bɔ, ku kɛ ká lɔwai, a nuąi ká di pɔɔ kɔɔn.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Korɛntə dɔlɔɔ 9:12

Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Ɉaan 5:10

Yili ɓə gɛ, Ɉuifəɠaa diɛ mą: «Háá ɓaa hvįįtɔɔ yələ, gu wɔ tɔ́n gaa mą nu hvo ə́ laa hɛn ɉəɠə yɛ́ hiɛ la.»

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.