Korɛntə dɔlɔɔ 4:6 - Yálá laawoo hɛɓɛ (dc)

⁶ Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Yálá laawoo hɛɓɛ

⁶ Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Bible

⁶ Ŋánûa, ŋa nyíŋi kélee pɔ̃yɛ é pîlaŋ ńyãa kpîŋ ma da Apolo kámɛni ma, a gɛ́ɛ ka mɛni-ŋai kélee maa kɔri kúsârai nyíi-ŋa bɔ̃yɛɛ̂i, ka maa-tua kɛ́ a gɛ́ɛ kátɔnɔ kpîŋ káfe yoŋka tee a gɛ́ɛ kákaa a núu da-ni pɔ́ɔ ka tɔ́ɔ da-ni dîa.

Korɛntə dɔlɔɔ 4:6 Referans Kwoze

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə veelɛ 12:6

Ee! Ŋą́ kɛ kpɔ bɔ ŋą́ gbɔ́wɔ́ ɲąą kɛnɛ̨i, hva kpɛli kɛ a ɓowo mɛ̨nį, a kɛ kpɔ a tɛ̨ą; kɛlaa, ŋą́ gbɔ́wɔ́ huhon, ə gɛ nuą di hvo pa nəi mą́ą́ mɛ̨nį kɛnɛ̨, di hvo dɛɛ yii di kaa gaai ɲéé pɔ, mą; awala kɛ tii, dɛɛ yii di kaa mɛ̨n ɉii ná mą.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Korɛntə veelɛ 10:7

Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə dɔlɔɔ 5:6

Mɛ̨nįi tii ka káá ka kpɔwɔ ɲąąkɛnɛ̨i ɉu, hvo lɛlɛ li, ka hvo gɔlɔn kaa diɛ: «Lɛɠɛi dɛ hɛn nogolo a pɛli ə lɛɠɛ kpɔlɔ kɛnɛ̨ tɛ?»

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Korɛntə veelɛ 10:15

Ku wɔɔ ɲɛ̨i ponolaa hvo tɛɠɛ li ɲɛ̨n ma, gɔwɔ hvo hvilɛn ni nu takpɛli kɛ kóló mɛ̨i, kɛlaa, ku kili kaa ɉu kuɔ, ká wɔɔ laa na laa hu aa kɛli kɛnɛ̨ yɛ tɛ tɔwɔi, gaa tɛi tɔwɔ ká yəi, ku wɔɔ kpaaləi ku naa ká ɲɛ̨i, ɉáálai;

Korɛntə veelɛ 10:12

Ku hva ku liikpələ, kuɔ ku kpɔwɔ kɛ yɛ nu taɠaa, awala kɛ tii, kuɔ ku kpɔwɔ kɔɔn diɛ. Diɛi da mɛ̨nį kəlee gɔɔnmąą həɠə di kpɔwɔ mɛ̨i, di kili aa kpɛɛ di yəi.

Korɛntə dɔlɔɔ 13:4

Wɛlikɛmąąlaa liikpəlɛɛi, wɛlikɛmąąlaa a kpɔnmąą kɛ, hva tolo kulɔ, hɛn nwɛli laa hvo wɛlikɛmąąlaa hu, kpɔɔ ɲąą kɛnɛ̨ hvo wɛlikɛmąąlaa hu.

Korɛntə dɔlɔɔ 9:23

Ŋą́ yili kəlee kɛ nwɛlɛɛ lɛlɛɛ mąą mɛ̨nį ɓa, gɛ́ pɛli nwɔ́ɔ́ hɔlɔɓoi ɉu.

Korɛntə dɔlɔɔ 5:2

Ɛlɛɛ kaamun, káá hvɛɛ a kpɔwɔ ɲąąkɛnɛ̨, ka hvo yili kaa li, a nwumɛ̨ mɛ̨nį, ká hvo mąą wɛli hee ɓo, yɛ haa a too káá, ká mɛ̨nį tii kɛmun gulɔ ká lɔwai.

Korɛntə dɔlɔɔ 3:21

Yili ɓa, nu ta hvo ŋą huɲąŋąkɛnɛ̨ kɔwɔ hvilɛn nu kanŋaa mɛ̨i, gbala ə tɔɔ, gəlee kaa a ká wɔɔ:

Korɛntə dɔlɔɔ 1:31

Ya ɓə a gɛ, yɛ bələi ɉɛɓɛ́ ə mo la, yɛ kɛ: «Nui yɛ ə gbɔwɔ ɲąąkɛnɛ̨, ə gbɔwɔ ɲąąkɛnɛ̨ gu Nąmu hu.»

Korɛntə dɔlɔɔ 1:19

Gbala ə tɔɔ, bɛ̨ɛ̨i, diɛ kɛ: «Ŋą́ kilimąą nuą kili kpɛɛ di yəi, ŋą́ nwun gɛ ɉu nuą di wɔ nwun gɛ ɉu laa, hu kala.»

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Mąątɛ̨nɛ̨ 146:3

'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi.

Mąątɛ̨nɛ̨ 8:4

Ŋą́ ɲɛ̨́i hee yələ kɔlɔn ma, yai ə́ bɛli a Ə́ yee, Ə́ ɲąnįn da pɛmɛ̨lɛ̨n-gɔwɠaa, hɛlɛn ma;

Gɛlaɠaa 18:24

Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.