Korɛntə dɔlɔɔ 3:6 - Yálá laawoo hɛɓɛ (dc)

⁶ Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Yálá laawoo hɛɓɛ

⁶ Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Bible

⁶ Ŋá sí-sɛŋ sì. Apolo e yá pù ma. Kɛ́lɛ, Ɣâla ƃe gɛ̀ e ƃɔlɔ.

Korɛntə dɔlɔɔ 3:6 Referans Kwoze

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Korɛntə dɔlɔɔ 9:1

Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Gɛlaɠaa 21:19

Polə ə nwoo pili diɛ, pələi kpɔ Yálá ə kólo kɛ la yaa ti ɲee hu hį́i takpɛliɠaa lɔwai, ə gəlee hukulɔ kpɔ diɛ tɛ̨ɛ̨tɛ̨ɛ̨.

Gɛlaɠaa 18:24

Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Korɛntə dɔlɔɔ 3:7

Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.