Korɛntə dɔlɔɔ 3:23 - Yálá laawoo hɛɓɛ (dc)

²³ Kɛlaa, ka káá a Kristə nwɔɔ, Kristə yɛ ɓo a Yálá nwɔɔ.

Yálá laawoo hɛɓɛ

²³ Kɛlaa, ka káá a Kristə nwɔɔ, Kristə yɛ ɓo a Yálá nwɔɔ.

Bible

²³ ǹyaŋ kákaa a Kôrai pɔ́ɔ; Kôrai ǹyaŋ kɛ́ ƃo a Ɣâla pɔ́ɔ.

Korɛntə dɔlɔɔ 3:23 Referans Kwoze

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Korɛntə dɔlɔɔ 11:3

Kɛlaa, gɛ́ ká mɛ̨nįi ŋɛ̨i kpaɠala kaa: Hinąą kəlee di nwun nąmu ɓaa a Kristə. Nɛ̨ɛ̨nu nwun nąmu ɓaa a hulɔnu. Kristə nwun nąmu ɓaa a Yálá.

Ɉaan 17:18

Yɛ bələi ə́ dɔ́ɔ́ la yɛnɛ̨ɛ̨, ɲą́ą́ gbɛli gáá di tɔɔi tii yɛnɛ̨ɛ̨.

Korɛntə veelɛ 10:7

Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Lomaŋ 14:8

Mąąhɔlɔɓo, gwa kɛ yɛnɛ̨ɛ̨, gu kaa gu Ną́mu yəi, gwa haa, gu haa gu Ną́mu mąą mɛ̨nį ɓa. Yili ɓa, gu kɛ yɛnɛ̨ɛ̨-o, gu haa-o, gu kaa a gu Ną́mu nwɔɔ.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Korɛntə dɔlɔɔ 7:22

Mąąhɔlɔɓo, luwɔ yii gu Ną́mu ə dəli, ə nwun mąąɓo gaa a gu Ną́mu nwɔɔ. Nui yaan kɛ gbɔwɔ ɓa diɛ dəli, gaa a Kristə nwɔ luwɔ.

Ifisiɛŋ 1:10

Mɛ̨nį kəlee laa kulɔ ɲələ; gaa pai yələkɔlɔn ɉu hɛnŋaa da lɔi mɛ̨i hɛnŋaa ɲąąkpɔn ɉii nwun nąmu tanɔ̨n ɲee mu, ya ɓaa a Kristə.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Korɛntə dɔlɔɔ 15:28

Ɛlɛɛ, ɓɛlɔwai Yálá kaa pai hɛn gəlee pɛlɛi la gɔwɔ mu, non yaa kpɛlimąn, a pɛlɛ, nui hɛn gəlee pɛlɛ, ə gɛ, Yálá ə kɛ a hɛn gəlee, gəlee hu.