Korɛntə dɔlɔɔ 3:18 - Yálá laawoo hɛɓɛ (dc)

¹⁸ Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Yálá laawoo hɛɓɛ

¹⁸ Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Bible

¹⁸ Núu da fe gbîŋ pɛ̀lɛ. À kɛ̀ núu da káa kásama gáa gíli ŋá a gɛ́ɛ dáreɛ̂i ŋ̀éniɛi ŋí su, tɔɔ maa-nuui é kɛ́ a ƃoo-nuu a gɛ́ɛ é táre.

Korɛntə dɔlɔɔ 3:18 Referans Kwoze

Hanwon 3:5

'Hvó ə́ kilitɔɔ ə́ kpɔwɔ nwɔ nwun gɛ ɉu laa ɓa, Kɛlaa, ə́ kilitɔɔ Yai-Laa ɓa.

Azaya 5:21

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Lukə 18:17

A tɛ̨ą kpɔ-kpɔ gáá moi kaa, nui a wala ɲee hee Yálá-taa tɔɔlaa mu yɛ lokolo, hva pɛli lɔi ɉu.»

Maafîu 18:4

Yili ɓə gaa mą, nui a gbɔwɔ mąą yɛɛ ə kɛ yɛ nokoloi ŋɛ̨i ya ɓə a nu kɛnɛ̨ Yálá-taa tɔɔlaa hu.

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Ɉeremi 8:8

Ka tɔɔi ɓaa mį, kaa kɛ diɛ: mɛ̨nį kɔ́lɔn gili kaa ku yəi, mąąhɔlɔɓo, Yai-Laa nwɔ tɔ́n kaa ku yəi? Ya pa, ka dɔ́n ɉɛɓɛ́ mąą pənə a lɛɛ woo; dɔ́n ɉɛɓɛ́ kɛ nuą di wɔ kpɔn kɛ mɛ̨nį li.

Hanwon 26:12

Yá nu ta kaa, yɛ gbɔwɔ kɛ a kilimąą mun? Nu kilitɔɔ kilikpɛɛgwəi mun ma, viɛlaɓoɔi nu taaləi tii ɓa.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Galatə 6:7

Ká hvo ká kpɔwɔ ɓowo, Yálá hva hvaamą, nu hvo yɛlɛkulɔ ɉu, gbala ə tɔɔ, hɛn nu a ɉin, ya ɓə a dɔlɔ hɔlɔɓo.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Hanwon 5:7

Nónnii, ka ka wəli tɔɔ kɛa nwóó ɓa, ka 'hvo lɛ̨ą váá wooɠaa diɛ.

Ɉeremi 37:9

Yai-Laa woo ka: Ka hvo ka kpɔɔ ɓowo, kaa kɛ diɛ; Kalde nuą liɛ kəlee li, diɛ həɠə ka pulu.

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Korɛntə dɔlɔɔ 3:17

Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.