Korɛntə dɔlɔɔ 3:14 - Yálá laawoo hɛɓɛ (dc)

¹⁴ Nui gɛ kolo a lɛɛ, a mąą hvɛla hɔlɔɓo.

Yálá laawoo hɛɓɛ

¹⁴ Nui gɛ kolo a lɛɛ, a mąą hvɛla hɔlɔɓo.

Bible

¹⁴ À kɛ̀ bɛ́rɛ pîlaŋɔɔi ŋí núu kélee à dɔ̀ɔ à lɛ̀ɛ naa, maa-nuui a pâi fela-fei sɔlɔ ƃôi.

Korɛntə dɔlɔɔ 3:14 Referans Kwoze

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Tɛsalonikə dɔlɔɔ 2:19

Yili ɓa, ku wɔɔ kilitɔɔmąą laa ɓaa a lə? Lə ɓə a ku wɔɔ kwəinɛ̨ɛ̨? Ku kpɔwɔ ɲąą kɛnɛ̨ mɛ̨nįi a ku nwuɔ̨ ɓɔlɔ, gu Nąmu Jesus ɲɛ̨i ɓa, a ba yələ, ya ɓaa a lə? Kɛlɛi káá ɓə!

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Korɛntə dɔlɔɔ 9:17

Akɛ gáá gɛi gbɔ́wɔ́ ɓa, ŋą́ li və́la mɛ̨nį ɓo, kɛlaa, akɛ di dí la, yili kaa a nwuɔ́ tiɛ̨.

Galatə 6:4

Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.