Korɛntə dɔlɔɔ 2:3 - Yálá laawoo hɛɓɛ (dc)

³ Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Yálá laawoo hɛɓɛ

³ Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Bible

³ Ŋá kɛ̀ kásama a fii-kpɛɛ da yao kɛ́tɛ e pɛlɛ kpɛ̃lîŋ ma.

Korɛntə dɔlɔɔ 2:3 Referans Kwoze

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 13:9

A neelee, kwa kɛ kwəinɛ̨ɛ̨ kulɔi, ɓɛlɔwai ku hvįi a kɛ la a gbɛɛ, ká hvaŋą yɛ kɛnɛ̨. Ku wɔɔ hvɛli woo nwun ga, ya ɓaa, ká mąą mɛ̨nį ə pɛli ɉu.

Korɛntə veelɛ 10:10

gbala ə tɔɔ, daɠaa da kɛ diɛ: Nwɔ hɛɓɛ́ɠaai hu woo walawalaai, dɛɛ, gbinį lee ɓa, a kɛ ku lɔwai, nwoo vaŋą hvo ɉu.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Gɛlaɠaa 17:1

Polə da Silasə di tɛɛ Amfipolisə daai, da Apoloni daai, di həli Tesalonikə ɓɛi Yálá hvɛli pɛlɛ́ ta ə kɛ laa.

Gɛlaɠaa 18:1

Həɠəi Polə ə mo Atɛnə daai, Korɛntə daai ɓə ə li laa.

Azaya 19:16

Nąąlɔwai Eziptə a kɛ lɔ yɛ nɛ̨ɛ̨nu, yɛ ɲɔw, mąą yɛ kpɛlin, ɓɛlɔwai a Yai-Laa Mɛ̨nį Kəlee ŋą Hééɓomun yee kaa la mɛ̨i.

Korɛntə veelɛ 7:15

A giliŋąhiɛ a vilɛn ká wɔɔ lɛɛ nwoo mu laa kəlee ɓa, ká wɛlii gaa mą, da lɔ ɓə a pɛlɛ mą, ɛlɛɛ, bələi ká ká yee hee la mu, a ɲɔw mąą yɛ kpɛlin.

Ifisiɛŋ 6:5

Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;