Korɛntə dɔlɔɔ 15:57 - Yálá laawoo hɛɓɛ (dc)

⁵⁷ Káni kookwəi! 'Ká gu Yálá hɛɠɛɛɓo, yai aa yeetɛɛmąąlaa tɛɛ gu pɔ gu gu Ną́mu Jesus Kristə háálai.

Yálá laawoo hɛɓɛ

⁵⁷ Káni kookwəi! 'Ká gu Yálá hɛɠɛɛɓo, yai aa yeetɛɛmąąlaa tɛɛ gu pɔ gu gu Ną́mu Jesus Kristə háálai.

Bible

⁵⁷ Kɛ́lɛ, sɛɣɛi-fei é tɛ́ɛ Ɣâla pɔ nyíi nyee-tɛɛ-mai tɛ̂ɛ kúpɔ Kúnuu-namui Zîsɛ Kôrai sârai.

Korɛntə dɔlɔɔ 15:57 Referans Kwoze

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Korɛntə veelɛ 9:15

Yálá mąmą ɉɛɠɛɛ, nwɔ mɛ̨inɛ̨ɛ̨i gɔɔn mąą hvo mą, mąą mɛ̨nį ɓa.

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Korɛntə veelɛ 1:11

Káá kpɛlimąn, ká kɛ ká wɔɔ nąą kɛi ɉu, a Yálá hvɛlii ká kɛ moi kuɔ. Akɛtii, mɛ̨inɛ̨ɛ̨i tii kwa ɉɔlɔɓo a nu kpulu kɛnɛ̨ɛ̨ kɛ mɛ̨nį, yili a kɛ a Yálá hɛɠɛɛɓo mɛ̨nį ku mąą mɛ̨nį ɓa, nu tamąą yəi.

Korɛntə dɔlɔɔ 15:51

Gáá mɛ̨nį loɔ ta lɛi kaa; gu kəlee gu hvo pai haai, kɛlaa, gu mąą kaa pai hvalin ɉii,

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Gɛlaɠaa 27:35

Moi Polə ə mo tii, ə lɛɠɛ həɠə, ə Yálá hɛɠɛɛɓo nu kəlee ɲɛ̨i ɓa, ə ɉu yali, yɛ kɛa mįi.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»