Korɛntə dɔlɔɔ 15:32 - Yálá laawoo hɛɓɛ (dc)

³² Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Yálá laawoo hɛɓɛ

³² Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Bible

³² Le ƃe ŋa pɔ̂ri zɔlɔ ƃôi, à kɛ̀ núu-kpune lóno-woo su, ŋá kɔ̀ sua-ŋa pɔ Ɛfesɛ? À kɛ̀ núu fa mu siɣe saa yêei, gɛ̀ ní, “Kwaa kúlaa mii ku kúkpele, kpɛ́ni fêi, kwa tínaa saâi.”

Korɛntə dɔlɔɔ 15:32 Referans Kwoze

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Lukə 12:19

Ŋą́ mo kɛa gbɔ́ɔ́ ɓa, gɛ́ mą: Náwəi, yaa kwɛlan damąą kɔ̨nɔ̨n ɉɔlɔɓo, ə́ hvįįtɔɔ kɛa; ə́ ə́ laa mį́į́, ə́ ə́ kpələ, ɛlɛɛ, ə́ ə́ kwəinɛ̨ɛ̨.›

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Piɛrə veelɛ 2:12

Kɛlaa, nuą ti di kaa yɛ lɔwɔ huwɔɠaa, di kili kpɛɛ di yəi, di kulɔ lɔ yɛnɛ̨ɛ̨, di paa mɛ̨nį ɓa. Hɛn di hvo gɔlɔn ya ɓə da nalan. Di haa pələ kaa lɔ pai kɛi yɛ lɔwɔ huwɔɠaa.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Zûu 1:10

Nɛɛ kalan gɛ nuą tii, hɛn di hvo gɔlɔn ya ɓə da nalan. Di wɔ mɛ̨nį kɔ́lɔnŋąą kaa yɛ huwɔ, yili ɓə pai di nwun napili.

Galatə 3:15

Ną́n nonnii, ká gu mɛ̨nįi ŋɛ̨i gɔɔnmąą həɠə gu yíi pələ hu; nu a nwoo kwɛlɛ, ə gwəi woo ɓo, vilɛnŋąą ginɛ̨ ɓa a neelee, di hva da həɠə mą, di hva da pɛlɛ mą.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Lukə 9:25

Nu a yɛnɛ̨ɛ̨ hɛnŋąa kəlee hɔlɔɓo, ə haa, yili dɔ̨nɔ̨ ɓaa a lə?

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Mąątɛ̨nɛ̨ 73:13

A tɛ̨ą, kpɛli kpɛli kpɔ ka ti ŋą́ gɛ, gɛ́ nį́i laahɔnmo mąąhəɠəlaa hu, gwə́i kwəlɛɛ gɛ́ mɛ̨nįɠaa hu.

Zôo 35:3

Mąąhɔlɔɓo, ə́ kwəi kaa kɛi diɛ ə́ mą́ą́kpaan və ɉu. Ŋą́ nɛ̨ŋɛ̨n ɉəɠə kpɔ, yili kaa a lə?»

Gɛlaɠaa 18:21

Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Korɛntə dɔlɔɔ 16:8

Kɛlaa, gáá pai lɛɛi ɓɛ Efɛsə daai, ə lɛɛ la ɉu Pantəkotə lɔwai.