Korɛntə dɔlɔɔ 15:24 - Yálá laawoo hɛɓɛ (dc)

²⁴ Yili pulu ɓə, yɛnɛ̨ɛ̨ ŋąą a kpɛɛ la, ɓɛlɔwai gaa pai dɔɔlaa tɛɛi la Nąn Yálá pɔ, a kpɛɛ kɛa a heemɛ̨ilaa kəlee, heeɓolaa kəlee, da huwalawala kəlee hukalaa.

Yálá laawoo hɛɓɛ

²⁴ Yili pulu ɓə, yɛnɛ̨ɛ̨ ŋąą a kpɛɛ la, ɓɛlɔwai gaa pai dɔɔlaa tɛɛi la Nąn Yálá pɔ, a kpɛɛ kɛa a heemɛ̨ilaa kəlee, heeɓolaa kəlee, da huwalawala kəlee hukalaa.

Bible

²⁴ Gɛ̀ ní gbɛɛ ŋá a nâa pá, tãi a ǹúu mɛi-ƃelai su kàra la da ŋwála-wala-ƃelai, e Ɣâla ŋɔkâloŋ-laai tɛ́ɛ Ɣâla Nàŋ-nuui pɔi.

Korɛntə dɔlɔɔ 15:24 Referans Kwoze

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Timote dɔlɔɔ 6:15

guui tii ɉəɛɛ, ɲələ a pa ɉəlii, Nwun na nɛ̨ɛ̨mun, a Hééɓomun danɔ̨n gbən, tɔɔɓɛlaa di wɔɔ Tɔɔmun, a nąmuɠaa kəlee di Nąmu,

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Danîa 12:13

Daniɛlə, ə́ wɛi! Ə́ hvaŋąlɔ, ə lɛɛ la ɉu, ə́ həli ŋaakpɛɛi, ə ɠɛ, vəla kulɔi ŋɛ̨i ə́ ə́ wɔ naa hɔlɔɓo ɉu yɛnɛ̨ɛ̨ ŋaakpɛɛi lɔwai.»

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Lomaŋ 8:38

A tɛ̨ą, náái na gɛ́, haa ɓə, yɛnɛ̨ɛ̨ kɛɛ ɓə, malakaɠaa ɓə, heemɛ̨ilaa ɓə, háákələi ɓə, tinąą ɓə, huwalawalaɠaa ɓə,

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Kolosə 2:10

Ɛlɛɛ, nui ŋɛ̨i a, hééɓolaa kəlee da huwalawalalaa kəlee, nąmu, ɉu ɓə kɛa, ká mąą mɛ̨nį kəlee ɲąą a pɛli laa.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Piɛrə veelɛ 1:11

Yili ɓə a gɛ, pələ laa ə ɓo ka tɔwɔ, gu Ną́mu da gu Nwun mąąɓomun Jesus Kristə nwɔ tɔɔlaai hu.